राशिद चम्कँदा आयरल्यान्डमाथि अफगानिस्तानको क्लिनस्विप

एजेन्सी – लेगस्पिनर राशिद खानको उत्कृष्ट अलराउन्ड प्रर्दशनको सहयोगमा अफगानिस्तानले आयरल्यान्डसँगको तीन ओडिआई सिरिजमा क्लिनस्विप गरेको छ । आइसिसी क्रिकेट वल्र्ड कप सुपर लिग अन्तर्गत रहेको यस सिरिजमा अफगानिस्तानले अन्तिम खेलमा आयरल्यान्डलाई ३६ रनले हराउँदै क्लिनस्विप गर्न सफल भएको छ ।

जितका लागि २ सय ६७ रनको विजयी लक्ष्य पछ्याएको आयरल्यान्ड ४७.१ ओभरमा २ सय ३० रनमा अल आउट भएको थियो । आयरल्यान्डका ओपनर पल स्टर्लिङले १ सय १९ बलमा ९ चौका र ६ छक्का सहित १ सय १८ रनको उत्कृष्ट शतकीय इनिङ खेलेपनि टोलीलाई जित दिलाउन सकेनन् । अफगानिस्तानविरुद्ध स्टर्लिङको यो लगातार दोस्रो शतक हो ।
दोस्रो खेलमा स्टर्लिङले १ सय २८ रनको उत्कृष्ट शतकीय इनिङ खेलेपनि टोली ७ विकेटले पराजित भएको थियो । लगातार शतक प्रहार गरेका स्टर्लिङ ‘प्लेयर अफ द सिरिज’ चुनिए । त्यस्तै ह्यारी टेक्टर २४, सिमी सिंह २० र लोर्कान टकर २२ रनमा आउट भए । अफगानिस्तानका राशिद खानले ९ ओभरमा २९ रन खर्चेर ४ विकेट लिँदै ‘प्लेयर अफ द म्याच’ चुनिए । मुजिब उर रहमानले २, नविन उल हक र मोहम्मद नाबीले १–१ विकेट लिए ।
त्यसअघि शेद जायद स्टेडियम आबूधाबीमा टस हारेर पहिला ब्याटिङ थालेको अफगानिस्तानले ५० ओभरमा ९ विकेट गुमाउँदै २ सय ६६ रन बनाएको थियो । राशिद खानले तल्लोक्रममा ४० बलमा ३ चौका र ३ छक्का सहित सर्वाधिक ४८ रनको योगदान दिए ।
कप्तान अस्गर अफगानले ४१, मोहम्मद नाबी ३२, गुलबदीन नाबीले ३६ रनको योगदान दिए । आयरल्यान्डका क्रेग योंग र सिमी सिंहले ३–३ विकेट लिए । आयरल्यान्ड पहिलो खेलमा १६ रन र दोस्रोमा ७ विकेटले पराजित भएको थियो ।

Source link

Share:

Leave a Reply

Your email address will not be published. Required fields are marked *