आशिफको आक्रामक अर्धशतक

काठमाडौं(हाम्रो खेलकुद) – युवा ब्याट्सम्यान आशिफ शेखले प्रधानमन्त्री राष्ट्रिय एकदिवसिय क्रिकेट प्रतियोगितामा प्रदेश एक विरुद्ध आक्रामक अर्धशतक प्रहार गरेका छन् ।

एपिएफका ओपनर आशिफ शेखले उत्कृष्ट सुरुवात दिलाउने क्रममा ३२ बलमा ६ चौका र ५ छक्का प्रहार गर्दै ५९ रनमा क्याच आउट भएका छन् । आशिफले २९ बलमै अर्ध शतक प्रहार गरेका थिए । तीव्र गतिका बलर सोनु मण्डललाई नवौं ओभरको दोस्रो बलमा छक्का प्रहार गर्दै आशिफले अर्ध शतक प्रहार गरेका थिए । तर आशिफ त्यसै ओभरमा गलत सट खेल्दै क्याच आउट हुन पुगे ।
आशिफले नवौं ओभरको पहिलो बलमा मन्डललाई पहिलो नो बलमा छक्का, चौका, दोस्रो र तेस्रोमा छक्का प्रहार गर्दै सुरुवाती ३ बलमा २२ रन जोडेका थिए । तर पाँचौं बलमा ठूलो सट खेल्ने धुनमा मिडअफमा फिर्दोस अन्सारीबाट क्याच आउट हुन पुगे ।

ओपनर आशिफ र सुबास खकुरेलले पहिलो विकेटका लागि ८.५ ओभरमा ७१ रनको साझेदारी गर्दै उत्कृष्ट सुरुवात दिलाएका थिए । सुबास १० र कप्तान शरद भेषावकर १२ रनमा खेलि रहेका छन् । टियु क्रिकेट मैदानमा टस हारेर ब्याटिङ थालेको एपिएफले ११ ओभरमा १ विकेट गुमाउँदै ८५ रन बनाएको छ ।

Source link

Share:

Leave a Reply

Your email address will not be published. Required fields are marked *