आर्सनललाई क्रिस्टल प्यालेसको चुनौती

एजेन्सी – इंग्लिस प्रिमियर लिगमा आजर राति एक खेलमा मात्र प्रतिस्पर्धा हुदा आर्सनलले घरेलु मैदानमा क्रिस्टल प्यालेसको आतिथ्यता गर्दैछ ।

खेल इमिरेट्स स्टेडियममा नेपाली समयअनुसार राति १ः४५ बजे हुनेछ । घरेलु मैदानमा प्यालेसलाई हराउदै आर्सनल अंक तालिका सुधार गर्दै अघि बढ्ने लक्ष्यमा हुनेछ । आर्सनल १७ खेलबाट २३ अंक जोडेर ११औं स्थानमा रहेको छ ।
क्रिस्टल प्यालेसलाई हराउन सके आर्सनलले नवौ स्थानको चेल्सी र १०औं स्थानको वेस्टह्यामसँग अंक बराबरी गर्नेछ । २३ डिसेम्वरमा कारावाओ कपमा म्यानचेस्टर सिटीसँग ४–१ ले पराजित भएपछि पछिल्लो चार खेलमा शतप्रतिशत जित निकालेको आर्सनल सोही अपराजित यात्रालाई निरन्तरता दिने लक्ष्यमा हुनेछ ।
टोलीसँग एलेसान्द्रे लाकाजेट, पिएरे इमरिक औवामियाङ, बुकायो साका, इमिल स्मिथ रोई, ग्रानिट झाका, ड्यानियल सेवालोस, पाब्लो मारी, रव होल्डिङ, हेक्टर बर्लिन र गोलरक्षक बन्ड लेनोको साथ रहेको छ ।
यता, क्रिस्टल प्यालेस पनि आर्सनललाई उसकै मैदानमा स्तब्ध पार्दै ११औं स्थानमा उक्लने दाउमा हुनेछ । प्यालेस २२ अंक जोडेर १३औं स्थानमा रहेको छ । टोलीसँग क्रिस्टियन बेन्टेके, विलफ्रेड जाहा, इविरिची इजी, जेम्स म्याअर्थर, लुका मिलिभोजेभिक, एन्ड्रोस टाउनसेन्ड र गोलरक्षक भिसेन्ट गुआइटा रहेको छ ।
यि दुई टोलीको पछिल्लो १४ खेलको नतिजामा आर्सनलले ८ खेलमा जित निकालेको छ । २ खेल क्रिस्टल प्यालेसले आफ्नो पक्षमा पार्दा ४ खेल बराबरीमा सकिएको छ । आर्सनलले क्रिस्टल प्यालेसलाई पछिल्लो ४ खेलमा हराउन सकेको छैन । १ हार र ३ बराबरीको नतिजा छ ।

Source link

Share:

Leave a Reply

Your email address will not be published. Required fields are marked *