सतिसाले युनियन माघे संक्रान्ती फुटबलको फाइनलमा

काठमाडौं (हाम्रो खेलकुद)– मोरङ केराबारीको सतिसाले युनियन माघे संक्रान्ती खुला नकआउट फुटबलको फाइनलमा प्रवेश गरेको छ । लेटाङ फुटबल क्लब मोरङलाई १–० ले हराउँदै सतिसाले उपाधि नजिक पुगेको हो ।

सलमान लिम्बुले गरेको गोल नै खेलको निर्णायक बनेपछि सतिसाले अन्तिम २ मा पुगेको हो । सलमानले ४० औं मिनेटमा गोल गरेका थिए ।
विजयी टोलीका तीर्थ बस्नेत म्यान अफ दी म्याच घोषित भएका थिए । बेलबारी नगरपालिकाको प्रवक्ता समेत रहेका वडा नं ३ का अध्यक्ष योगेन्द्र सुवेदीले तीर्थलाई मेडलसहित २ हजार रुपैयाँ हस्तान्तरण गरे ।

प्रतियोगितामा बुधबार डागीहाट फुटबल क्लब मोरङ र विराटनगर फुटबल क्लबबीच दोस्रो सेमिफाइनल खेले हुनेछ ।
नेपाल मगर संघ नक्सलबारी मोरङको आयोजना तथा जन ज्योति क्लब र नक्सलबारी एफसीले संयोजन गर्ने प्रतियोगितालाई गोदावरी विद्या मन्दिर स्कुलले प्रायोजन गरेको प्रतियोगितामा उज्यालो प्रदेश डट कम मिडिया पार्टर रहेको छ ।

त्यस्तै चिसाङ क्रसर उद्योग, उत्तरी मोरङ क्रसर उद्योग र मोरङ कन्स्ट्रसन सह प्रायोजक रहेको प्रतियोगिताको सहयोगीका रुपमा बेलबारी नगरपालिका र नक्सल सामुदायिक बन बेलबारी १ रहेका छन् । 

Source link

Share:

Leave a Reply

Your email address will not be published. Required fields are marked *