महिला भलिबल टोली – टिम अफ द इयर

काठमाडौं (हाम्रो खेलकुद) – महिला राष्ट्रिय भलिबल टोली टिम अफ द इयर २०७६ घोषित भएको छ । नेपाल खेलकुद पत्रकार मञ्चले मंगलबार आयोजना गरेको पल्सर स्पोर्टस अवार्डमा महिला टोलीलाई टिम अफ द इयर घोषित गरिएको हो ।

गत वर्ष दुई ठूला सफलता हासिल गरेको गरेको महिला टोलीलाई टिम अफ द इयरको हकदार बनायो । गत वर्ष कात्तिक र मंसिरमा महिला टोलीले सफलता हासिल गरेको थियो । नेपाल ओलम्पिक कमिटि (एनओसी) का महसचिव निलेन्द्रराज श्रेष्ठले प्रशिक्षक जगदीश भट्ट, कप्तान अरुणा शाही लगायत उपस्थित खेलाडीलाई अवार्ड हस्तान्तरण गरेका थिए ।
कात्तिकमा बंगलादेशमा भएको एभिसी सेन्ट्रल जोन च्याम्पियनसिपमा स्वर्ण पदक जितेको फर्केको थियो । माल्दिभ्सलाई हराएर जितेको त्यो स्वर्ण नेपाली भलिबलले प्राप्त गरेको पहिलो अन्तर्राष्ट्रिय स्वर्ण पदक हो ।
मंसिरमा स्वदेशमा आयोजना भएको १३ औं दक्षिण एसियाली खेलकुद (साग) ले महिला टोलीले रजत पदक जितेको थियो । ३७ वर्षे सागको इतिहासमा नेपाली महिला टोलीले रजत पदक जितेको त्यो पहिलो हो । नेपाली टोली भारतसँग ३–२ ले पराजित हुँदै स्वर्ण पदकबाट चुकेको थियो ।
सोही सफलताका कारण अरुणा शाहीको कप्तानीमा रहेको महिला टोली गत वर्ष एफआइभिबीको विश्व वरियताको ८६ औं स्थानमा उक्लन सफल भएको थियो । ८६ औं स्थान नेपाली भलिबल इतिहासकै अहिलेसम्मकै उच्च वरियता हो ।

Source link

Share:

Leave a Reply

Your email address will not be published. Required fields are marked *