रविन्द्रको कप्तानीमा कर्णालीको टोली घोषणा

काठमाडौं (हाम्रो खेलकुद) – कर्णाली प्रदेशले प्रधानमन्त्री राष्ट्रिय एकदिवसिय क्रिकेट प्रतियोगिता लागि युवा ब्याट्सम्यान रविन्द्रजंग शाहीको कप्तानीमा आफ्नो १४ सदस्य टोली घोषणा गरेको छ । कर्णाली समूह ‘ए’ मा छ ।

कर्णालीसँगै त्रिभुवन आर्मी, नेपाल एपिएफ क्लब, गण्डकी, प्रदेश नम्बर १ छन् । कर्णालीले माघ ४ मा त्रिभुवन आर्मीसँग मुलपानी क्रिकेट मैदानमा खेल्ने छ । मुलपानीमै माघ ६ मा गण्डकीसँग खेल्ने छ । माघ ९ मा प्रदेश १ र माघ १० मा एपिएफसँग टीयूमा खेल्ने छ ।

प्रतियोगिता माघ २ देखि १७ सम्म टीयू मैदान र मुलपानी क्रिकेट मैदानमा चल्ने छ । समूह ‘बी’ मा नेपाल पुलिस क्लब, बागमती, लुम्बिनी, प्रदेश नम्बर २ र सुदूरपश्चिम छन् । पहिलो सेमिफाइनलमा समूह ‘ए’ को विजेताले समूह ‘बी’ को उप विजेतासँग माघ १४ खेल्ने छ ।

माघ १५ मा दोस्रो सेमिफाइनलमा समूह ‘बी’ को विजेताले समूह ‘ए’ को उप विजेतासँग खेल्ने छ । फाइनल माघ १७ मा टीयूमा हुने छ । मुलपानीमा समूह चरणका कुल ९ खेल हुने छन् । टीयूमा सेमिफाइनल, फाइनल र समूह चरण गरि कुल १४ खेल हुने छन् ।

कर्णालीको टोली : रविन्द्र जंग शाही (कप्तान), निष्क्षल रावल, दिवान बाबु पुन, ललित प्याकुरेल, हेमन्त ओली, दिनेश अधिकारी, हिमान्शु शाही, विपिन रावल, राज कुमार शाह, अनुज चनारा, तारा प्रसाद गिरी, रुपक दाहल, युनिश विक्रम सिंह र अभिषेक बम ठकुरी

टिम ब्यवस्थापक : भुवन कोइरला, प्रशिक्षक : पौल फरेरा ।

Source link

Share:

Leave a Reply

Your email address will not be published. Required fields are marked *