राजस्थानले स्मिथलाई फुकुवा गर्ने सम्भावना

एजेन्सी – इन्डियन प्रिमियर लिग (आइपिएल) २०२१ मा राजस्थान रोयल्सले कप्तान स्टिभ स्मिथलाई फुकुवा (रिलिज) गर्ने सम्भावना छ ।

आइपिएल २०२१ अक्सन फेबु्रअरी ११ मा हुने सम्भावना छ । फ्रेन्चाइज टोलीले खेलाडी फुकुवा र अनुवन्ध (रिलिज र रिटेन) गर्ने समय जनवरी २० तोकिएको छ । २०२० को आइपिएलमा स्मिथले १४ खेलमा ३ सय ११ रन बनाएका थिए । सन् २००८ मा पहिलो संस्करणको आइपिएल जितेको राजस्थान त्यसयता भने लगातार कमजोर प्रर्दशन गर्दै आएको छ ।
२०२० मा राजस्थान पुछारमा रहेर बाहिरिएको थियो । गत सिजनमा स्मिथले सुरुवात ओपनरबाट गरेपनि पछि मध्यक्रममा ब्याटिङ गरेका थिए । २०१८ को आइपिएल अक्सनमा स्मिथलाई राजस्थानले १२ करोड ५० लाख भारतीय रुपैयाँमा रिटेन गरेको थियो । तर स्मिथ त्यसैवर्ष दक्षिण अफ्रिकाविरुद्ध टेष्ट खेलमा बल टेम्परिङ काण्डका कारण एक वर्ष प्रतिबन्धमा परेपछि आइपिएल खेलेनन् ।
स्मिथ सन् २०१९ मा आइपिएल खेलेपनि राजस्थानको कप्तानी अजिंक्या रहानेले गरेका थिए । २०२० मा रहाने दिल्लीमा पुग्दा राजस्थानको कप्तानी स्मिथले गरेका थिए ।
सन् २०२१ मा राजस्थानले भारतीय विकेटकिपर ब्याट्सम्यान सन्जु स्यामसनलाई कप्तानी दिने सम्भावना छ । सन्जुले भारतमा जारी शैद मुश्ताक अली टि२० ट्रफीमा केरेलाको कप्तानी समालेका छन् । आक्रामक ब्याटिङका लागि परिचित स्यामसनलाई भारतले टि२० विशेष खेलाडीको रुपमा पछिल्लो समय प्रयोग गरि रहेको छ ।
राजस्थानसँग स्यामसनसँगै इंग्ल्यान्डका अलरान्डर बेन स्टोक्स पनि कप्तानमा राम्रो विकल्प भएका खेलाडी हुन् । अन्तर्राष्ट्रिय क्रिकेटमा लगातार उत्कृष्ट प्रर्दशन गर्दै आएका बेन स्टोक्सले गत जुलाईमा वेस्टइन्डिजविरुद्ध पहिलो टेष्टमा कप्तानी समेत गरेका थिए ।

Source link

Share:

Leave a Reply

Your email address will not be published. Required fields are marked *