डंगोललाई करातेको मुख्य प्रशिक्षकको जिम्मेवारी

काठमाडौं (हाम्रो खेलकुद)– वरिष्ठ कराते प्रशिक्षक हिरा सिंह डंगोलले करातेको मुख्य प्रशिक्षकको जिम्मेवारी पाएका छन् ।

राष्ट्रिय खेलकुद परिषद् (राखेप) को सदस्य सचिव स्तरीय निर्णय अनुसार सोमबार डंगोललाई करातेको मुख्य प्रशिक्षकको जिम्मेवारी सुम्पिएको हो ।
राखेपका तालिम तथा प्रशिक्षण विभागका प्रमुख अर्जुनबहादुर वि.क.ले मंगलबार डंगोललाई नयाँ जिम्मेवारीको पत्र हस्तान्तरण गरेका हुन् । काठमाडौं जिल्ला खेलकुद विकास समितिमा नायव वरिष्ठ प्रशिक्षकका रुपमा कार्यरत डंगोलले अब तालिम तथा प्रशिक्षक विभागमा रहि कार्य गर्नेछन् ।

डंगोलले पटक पटक राष्ट्रिय कराते टोलीको प्रशिक्षकको जिम्मेवारी निर्वाह गरिसकेको छन् । स्वदेशमा आयोजना भएको आठौं दक्षिण एसियाली खेलकुद (साग) , श्रीलंकामा भएको दसौं सागमा उनी राष्ट्रिय टोलीको प्रशिक्षक थिए ।

त्यस्तै इन्चोन एसियाड (सन् २०१४ ) इन्डोनेसिया एसियाड (२०१८) मा पनि उनी राष्ट्रिय टोलीको प्रशिक्षक थिए । राखेपले केहि दिन अघि अरुणा गुरुङलाई फुटबलको मुख्य प्रशिक्षकको जिम्मेवारी दिएको थियो ।

Source link

Share:

Leave a Reply

Your email address will not be published. Required fields are marked *