पिएसजीलाई मेस्सी अनुबन्ध गर्न कठिन

एजेन्सी – बार्सिलोनाका सुपर स्टार लिओनल मेस्सी पुनः लयमा फर्केको संकेत गरेका छन् । उनले पछिल्ला दुई खेलमा ४ गोल गरिसकेका छन् । तर, पनि उनले अर्को सिजन क्लब छाड्ने चर्चा भने चलिरहेको छ । मुख्यतः उनी पेरिस सेन्ट जर्मेन (पिएसजी) जान सक्ने प्रसंग बारम्बार उठ्ने गरेको छ ।

अर्जेन्टिनी कप्तानको बार्सिलोनासँगको सम्झौता अब ५ महिना बाँकी छ । अहिले उनी सरुवाका लागि अन्य क्लबसँग कुराकानी गर्नका लागि खुला छन् । तर, उनको चर्को पारिश्रमिक तिर्न क्लब तयार हुन्छन् त? यो प्रश्न पनि सँगै जोडिएको छ ।
पिएसजी मेस्सीका पूर्व सहकर्मी नेयमारसँग पून उनको सहकार्य गराउने प्रयासमा रहेको अनुमान गरिएको छ । यदि त्यस्तो भएको खण्डमा पिएसजीको आक्रमणमा केलियन एमबाप्पलेसहित ३ जना सुपर स्टार रहनेछन् । तर, फ्रान्सेली पत्रकार जुलियन लाउसेन्स लिग वन च्याम्पियनका लागि आर्थिक विषय नै मेस्सीलाई लिन ठूलो बाधक हुने बताउँछन् ।
‘कोभिड १९ का कारण फाइनान्सियल फेयर प्लेको नजरमा पिएसजी र त्यस्ता अन्य ठूला क्लबलाई अहिलेको समय कठीन छ । मलाई उनीहरुको आर्थिक अवस्था थाहा छैन, ‘उनले भनेका छन्, ‘नेयमारलाई बार्षिक ३० मिलियन युरो, मेस्सीका लागि ६० मिलियन र एमबाप्पेलाई पनि सम्झौता नविकरण गर्दा नेयमारकै हाराहारीमा दिनुपर्ने हुनसक्छ ।’
पिएसजीले मेस्सीलाई लिएको खण्डमा झन्डै १ सय ५० मिलियन युरो तीन खेलाडीका लागि खर्च गर्नुपर्ने हुन्छ । उनले थपे, ‘हरेक वर्ष पारिश्रमिकमा त्यति ठूलो रकम । आर्थिक हिसाबले त्यो असम्भव जस्तै देखिन्छ । तर पनि उनीहरु प्रयास गर्ने पक्षमा देखिन्छन् । तर मलाई लाग्छ त्यो वास्तविकता लाग्दैन ।’

Source link

Share:

Leave a Reply

Your email address will not be published. Required fields are marked *