१२ खेलपछि चेल्सीका लागि वेर्नरको गोल

एजेन्सी – पछिल्लो १२ खेलमा गोलविहिन रहेका जर्मन फरवार्ड टिमो वेर्नर अन्तत: चेल्सीका लागि गोल गर्न सफल भएका छन् । एफए कप अन्तर्गत मोरक्याम्बविरुद्ध चेल्सी ४–० ले विजयी हुँदै एफए कपको चौथो चरणमा प्रवेश गर्न सफल भयो।

पछिल्लो १२ खेलसम्म गोलविहीन बनेका वेर्नरले एफए कपको तेस्रो राउन्डको खेलमा दोस्रो श्रेणीको मोरक्याम्बविरुद्ध गोल गर्न सफल भएका हुन् ।
नोभेम्वर ८ मा सेफिल्ड युनाइटेडविरुद्ध गोल गरेपछि वेर्नरले चेल्सीका लागि १२ खेलमा तीन असिस्ट दिदा गोल गर्न सकेका थिएनन् । चेल्सीको जितमा वेर्नरसँगै मासन माउन्ट, कलुम हड्सन ओडोइ र काई हाभर्टजले गोल गरे ।

घरेलु मैदान स्टामफोर्ड ब्रिजमा आइतबार राति भएको खेलमा चेल्सीले खेलको १८औं मिनेटमा मासन माउन्टको गोलबाट अग्रता लिएको थियो । उनले कलुम हड्सन ओडोईको पासमा गोल गरेका थिए । ४४औं मिनेटमा हाभर्टजको पासमा वेर्नरले गोल गर्दै टोलीको अग्रता दोब्बर पारे ।
४९औं मिनेटमा हाकिमी जियाचको पासमा कलुम हड्सन ओडोईले गोल गर्दै चेल्सीलाई फराकिलो जिततर्फ अग्रसर गराए । खेल सकिन ५ मिनेट बाँकी रहँदा कप्तान सिजर एज्पिलिक्वेटाको पासमा हाभर्टजले गोल गर्दै चेल्सीलाई ४–० को फराकिलो जित दिलाए ।

Source link

Share:

Leave a Reply

Your email address will not be published. Required fields are marked *