भिनिसियसको ह्याट्रिकमा टोटेनहमको फराकिलो जित

एजेन्सी – ब्राजिली फरवार्ड कार्लाेस भिनिसियसको ह्याट्रिक सहयोगमा इंग्लिस क्लब टोटेनहम हस्टपर इंग्ल्यान्डको तल्लो श्रेणीको क्लब मारिनलाई ५–० ले पराजित गर्दै एफए कपको चौथो चरणमा प्रवेश गरेको छ ।

आइतबार राति भएको खेलमा टोटेनहमले नर्दन प्रिमियर लिग क्लब मारिनलाई उसकै मैदानमा फराकिलो हार चखाएको हो । टोटेनहमको फराकिलो जितमा कार्लाेस भिनिसियसले ह्याट्रिक पुरा गर्दा लुकास मोउरा र अल्फी डिभाइनले गोल गरे ।
खेलको २४औं मिनेटमा टोटेनहमले भिनिसियसको गोलबाट अग्रता लिएको थियो । ३०औं मिनेटमा भिनिसियसले व्यक्तिगत दोस्रो गोल गरे । ३२औं मिनेटमा लुकास मोउराले गोल गर्दै टोटेनहमलाई ३–० ले अघि बढाए । ३७औं मिनेटमा भिनिसियसले ह्याट्रिक पुरा गर्दा टोटेनहम पहिलो हाफमा नै ४–० ले अघि बढेको थियो ।

६०औं मिनेटमा अल्फी डिभाइनले गोल गर्दै टोटेनहमलाई ५–० को फराकिलो जित दिलाए । मारिनले कुनै पनि समय टोटेनहमको पोस्टमा गतिलो पोस्ट आक्रमण बुन्न सकेन ।

Source link

Share:

Leave a Reply

Your email address will not be published. Required fields are marked *