इन्टर बराबरीमा रोकियो

एजेन्सी – इटालियन सिरी ए अन्तर्गत आइतबारको खेलमा इन्टर मिलानले एएस रोमासँग २-२ को बराबरी खेल्दै अंक बाँडेपछि शीर्षस्थानको एसी मिलानसँग अग्रता कम गर्ने अवसर गुमाएको छ ।

खेलको अन्तिम ५ मिनेट बाँकी रहँदा अग्रतामा रहेपनि इन्टरले अग्रता सम्हाल्न नसक्दा अंक बाँडेको हो । गोन्जालो भिलारको क्रसमा जियानलुका मान्चिनीले ८६ औं मिनेटमा हेडरमार्फत गोल गरेपछि इन्टर जितबाट बन्चित भएको थियो ।
त्यसअघि रोमाले खेलमा अग्रता लिएपनि इन्टरले दोस्रो हाफको ७ मिनेटको अन्तरमा २ गोल गर्दै खेलमा पुनरागमन गरेको थियो । खेलको १७ औं मिनेटमा लोरेन्जो पेलेग्रिनीले घरेलु टोली रोमलाई अग्रता दिलाएका थिए । उनके हेनरिक मिखीतार्यानको पासमा गरेको प्रहार डिफेन्डर एलेसान्द्रो बास्टोनीलाई लाग्दै गोल भएको थियो ।
दोस्रो हाफको ५६ औं मिनेटमा मिलान स्क्रिनियारले इन्टरका लागि बराबरी गोल गरे । त्यसको ७ मिनेटपछि अक्रफ हाकिमीले सुन्दर गोल गर्दै इन्टरलाई अग्रता दिलाए । दुवै गोलमा मार्सेलो ब्रोजोभिचले असिस्ट प्रदान गरेका थिए ।
यस बराबरीसँगै इन्टर मिलानको १७ खेलमा ३७ अंक भएको छ । रोमाको १७ खेलमा ३४ अंक रहेको छ । शीर्षस्थानको एसी मिलानले १७ खेलमा ४० अंक जोडेको छ । साविक विजेता युभेन्टस १५ खेलमा ३० अंकसहित छैटौं स्थानमा छ । युभेन्टसले आज राती सासुओलोको सामना गर्दैछ ।

Source link

Share:

Leave a Reply

Your email address will not be published. Required fields are marked *