पिएसजीको प्राथमिकतामा नेयमार

एजेन्सी – पेरिस सेन्ट जर्मेन (पिएसजी) ले माउरिसियो पोचिटिनोलाई नयाँ प्रशिक्षकका रुपमा नियुक्त गरेपछि ब्राजिलियन सुपर स्टार नेयमारसँगको सम्झौता नविकरणमा जोड दिएको छ ।

फ्रान्सेली टोलीले नेयमारसँगै फ्रान्सेली युवा स्टार केलियन एमबाप्पेसँग पनि सम्झौता नविकरण गर्न चाहेको छ । नेयमार र एमबाप्पे दुवैको अहिलेको सम्झौता सन् २०२२ को अन्त्यसम्म रहेको छ । क्लब दुवै खेलाडीलाई राख्न चाहन्छ । त्यसका बाबजुद मुख्य प्राथमिकतामा भने नेयमार रहेका छन् ।
लियोनार्दोले यसअघि नै क्लबले दुवै टोलीसँग सम्झौता नविकरण गर्न चाहेको प्रष्ट पारेका थिए । पिएसजीलाई थाहा छ कि विश्वका दुई उत्कृष्ट फरवार्ड उनीहरुको टोलीमा छन् । क्लबले यसअघि नेयमारलाई विक्रीका लागि राखेको थियो । तर, अहिले परिस्थिति बदलिएको छ ।
क्लब उनलाई लामो समयका लागि सम्झौता गर्न चाहन्छ । २८ वर्षे ब्राजिलियन सुपर स्टार अहिले खेल जीवनकै उच्च फर्ममा रहेको विश्वास गरिन्छ , त्यसअर्थ पनि क्लब उनलाई छाड्न चाहदैन । पोचिटिनाको आगमनसँगै डेले अलि पनि पिएसजी जाने चर्चा सुरु भएको छ ।

टोटेनहमका प्रशिक्षक जासे माउरिन्होले अलीलाई खासै मन नपराउने भएकाले पनि उनी क्लब छाड्न चाहिरहेका छन् । अर्जेन्टिनी प्रशिक्षकले पनि खेलाडी आगमनलाई अस्वीकार गरेका छैनन् । यद्दपी अली भन्दा प्राथमिकतामा क्लबमै भएका खेलाडी छन् । त्यस्तै भविष्यमा नेयमार, एमबाप्पले र लिओनल मेस्सीलाई पिएसजीले खेलाउने योजना राखेको समेत बताइन्छ ।
पोचेटिनोले प्रशिक्षण सम्हालेको पहिलो खेलमा बुधबार पिएसजीले सेन्ट इटिएनसँग १–१ गोलको बराबरी खेलेको थियो । लिग वानमा पिएसजी १८ खेलबाट ३६ अंक जोडेर दोस्रो स्थानमा छ । समान ३६ अंक नै रहेपनि लिल गोलअन्तरमा तेस्रोमा रहेको छ । शीर्षस्थानको लियोनको ३९ अंक छ ।

Source link

Share:

Leave a Reply

Your email address will not be published. Required fields are marked *