रियल म्याड्रिडलाई ओसासुनाको चुनौती

एजेन्सी – स्पेनिस ला लिगामा आज राति रियल म्याड्रिडले ओसासुनाको भ्रमण गर्दैछ । खेल राति १ः४५ बजे हुनेछ । घरेलु टोलीलाई हराउदै रियल शीर्षस्थानको एट्लेटिको म्याड्रिडलाई दवाव बढाउने लक्ष्यमा हुनेछ ।

रियल म्याड्रिड दुई खेल कम खेलेको शीर्षस्थानको एट्लेटिको भन्दा २ अंकले पछि छ । एट्लेटिकोको ३८ तथा रियलको ३६ अंक छ । एट्लेटिकोले १५ तथा रियलले १७ खेल खेलेको छ । अघिल्लो खेलमा पेटको समस्यामा कारण टोली बाहिर रहेका कप्तान तथा सेन्टरब्याक सर्जियो रामोस टोलीमा फर्किएका छन् ।
करिम बेन्जेमा, मार्काे एसेन्सियो, लुकास भाज्क्वेज, क्यासमिरो, टोनी क्रुस, लुका मोड्रिच, फर्लान्ड मेन्डी, राफयल भरान, नाचो फर्नान्डेज र गोलरक्षक थिवाउट कोर्टुवा टोलीसँग रहेका छन् । प्रतिबन्धका कारण ड्यानी कार्भाहल टोलीसँग हुनेछैन ।

यता, ओसासुना पनि रियललाई स्तब्ध पार्ने दाउमा हुनेछ । रेलिगेसन जोनको १९औं स्थानमा रहेको ओसासुना घरेलु मैदानमा रियललाई स्तब्ध पार्दै रेलिगेसन जोनबाट उम्कने दाउमा हुनेछ । जोनाथन क्यालेरी, इनिगो पेरेज, रुवेन गार्सिया, रोबर्टाे टोरेस, जुआन क्रज, नाचो भिडाल र गोलरक्षक सर्जियो हेरेरो टोलीसँग रहेको छ ।
यि दुई टोलीको १४ खेलको नतिजा हेर्दा रियल हावी छ । रियलले १२ खेलमा जित निकाल्दा ओसासुनाले एक खेल आफ्नो पक्षमा पारेको छ । दुई खेल बराबरीमा सकिएको छ । ओसासुनाले २०११ मा रियललाई १–० ले स्तब्ध पारेको थियो । त्यसयता ओसासुनाले रियललाई हराउन सकेको छैन ।

Source link

Share:

Leave a Reply

Your email address will not be published. Required fields are marked *