बार्सिलोनालाई ग्रानडाको चुनौती

एजेन्सी – स्पेनिस ला लिगामा आज राति क्याटलान क्लब बार्सिलोनाले ग्रानडाको सामना गर्दैछ । खेल ग्रानडाको मैदानमा आज राति ११ः१५ बजे हुनेछ ।

घरेलु टोली ग्रानडालाई हराउदै बार्सिलोना तेस्रो स्थानमा उक्लदै शीर्षस्थानको एट्लेटिको म्याड्रिड र रियल म्याड्रिडलाई दवाव दिने लक्ष्यमा हुनेछ । बार्सिलोना १७ खेलबाट ३१ अंक जोडेर तेस्रो स्थानमा रहेको छ । शीर्षस्थानको एट्लेटिकोको १५ खेलबाट ३८ तथा रियलको १७ खेलबाट ३६ अंक छ । भिल्लारियल ३२ अंक जोडेर तेस्रोमा रहेको छ ।
पछिल्लो दुई खेलमा शतप्रतिशत जित निकालेको बार्सिलोना सोही जितलाई निरन्तरता दिने लक्ष्यमा हुनेछ । टोलीसँग कप्तान लियोनेल मेस्सी, औसमाने डेम्वेले, एन्टोइन ग्रिजमन, पेड्री, फ्रान्की डि जोङ, सर्जियो बुस्क्वेट्स, जोर्डी अल्वा, रोनाल्ड एराउजो, सर्जिनो डेस्ट र गोलरक्षक मार्क आन्दर टेर स्टेगनको साथ रहेको छ । चोटका कारण फिलिपे कौटिन्हो, अन्सु फाती, जेरार्ड पिके, सर्जियो रोबर्टाे टोलीमा रहनेछैन ।
यता, ग्रानडा पनि बार्सिलोनालाई स्तब्ध पार्ने लक्ष्यमा हुनेछ । ग्रानडा २४ अंक जोडेर सातौ स्थानमा रहेको छ । ग्रानडासँग लुइस सुआरेज, रोबर्टाे सोल्डाडो, एन्टेनियो पुएरटास, याङ्गेल हेरेरा, जर्मन सान्चेज र गोलरक्षक रुई सिल्भाको साथ रहेको छ ।
यि दुई टोलीको पछिल्लो १४ भेटमा बार्सिलोना १२ खेलमा विजयी भएको छ । दुई खेल ग्रानडाले आफ्नो पक्षमा पारेको छ । गत सिजनको दुई खेलमा दुवै टोलीले समान एकमा जित निकालेको थियो । बार्सिलोनाले १–० को जित निकाल्दा ग्रानडाले २–० को जित निकालेको थियो ।

Source link

Share:

Leave a Reply

Your email address will not be published. Required fields are marked *