जिदानको माग : रामोस र भाज्क्वेजको नविकरण

एजेन्सी – रियल म्याड्रिडका प्रशिक्षक जिनेदिन जिदानलाई ओसासुनाविरुद्धको खेलका लागि उपस्थित हुन अनुमति मिलेको छ ।

कोरोना संक्रमित एक जनासँग नजिक रहेका कारण जिदानलाई होम आइसोलेसनमा बस्नुपर्ने भएको थियो । तर, पिसिआर परिक्षण पुन नेगेटिभ आएपछि ला लिगामा शनिबार ओसासुनाविरुद्ध हुने खेलमा उपस्थित हुन अनुमति दिएको बताइएको छ ।
त्यसअघि शुक्रबार भएको पत्रकार सम्मेलनमा पनि जिदान उपस्थित भएका थिए । उनले कप्तान सर्जियो रामोस र लुकास भाज्क्वेजको सम्झौता नविकरण हुनुपर्नेमा जोड दिएका थिए ।
रामोस र रियलबीचको पछिल्लो छलफल सकारात्मक नभएका कारणले अर्को सिजन उनले क्लब छाड्ने अनुमान सुरु भएको छ । क्लबले एक वर्ष र रियलले दुई वर्षको सम्झौता हुनुपर्ने बताएपछि सम्झौता नविकरण हुन सकेको छैन । भाज्क्वेजले भने सम्झौता नविकरणमा पारिश्रमिक बढ्नुपर्ने प्रस्ताव गर्दै आएका छन् ।

‘हामीले दुई खेलाडीलाई नविकरण गर्नु महत्त्वपूर्ण हुनेछ,’ जिदानले भनेका छन्, ‘उनीहरुसँग मेरो कुरा भएको छैन । तर उनीहरु क्लबका लागि महत्त्वपूर्ण खेलाडी हुन् । खेलमा राम्रो नतिजा लागि र त्यसको तयारीका लागि मलाई उनीहरु चाहिन्छ ।’
१७ खेलमा ३६ अंकका साथ रियल ला लिगा अंक तालिकाको दोस्रो स्थानमा छ । २ खेल कम खेलेको शीर्षस्थानको एट्लेटिको म्याड्रिडको ३८ अंक छ । १७ खेलमा ३१ अंक जोड्दै बार्सिलोना तेस्रो स्थानमा छ ।

Source link

Share:

Leave a Reply

Your email address will not be published. Required fields are marked *