क्यानका अध्यक्ष र सचिवले जिते कोरोना

काठमाडौं (हाम्रो खेलकुद) – नेपाल क्रिकेट संघ (क्यान) का अध्यक्ष चतुरबहादुर चन्द र सचिव अशोकनाथ प्याकुरेलले कोरोना भाइरस (कोभिड१९) लाई जितेका छन् ।

गत असोज १४ मा अध्यक्ष र सचिव दुबैलाई कोरोना संक्रमण देखिएको थियो । शनिवार अध्यक्ष र सचिव दुवैको कारोना रिपोर्ट नेगेटिभ आएपछि घर फर्किने तयारीमा रहेको क्यानका कोषाध्यक्ष रोशनकुमार सिंहले हाम्रो खेलकुदलाई जानकारी दिएका छन् ।
‘शनिबार दुबै जनाको रिपोर्ट नेगेटिभ आएको छ । दुबैजना काठमाडौंमा हुनुन्छ । सोमबार अध्यक्ष र सचिव घर फर्किने तयारीमा हुनुन्छ’, सिंहले भने । गत असोज ६ मा चितवनमा बोर्ड बैठक सम्पन्न गरेर काठमाडौं फर्किएका थिए ।
काठमाडौंमा उनको स्वास्थ्य परिक्षण गर्दा कोरोना पोजेटिभ देखिएको थियो । अन्य सदस्यमा भने परिक्षण नेगेटिभ देखिएको थियो । अध्यक्ष र सचिव दुबैमा कोरोना संक्रमण देखिएपछि क्यानको बोर्ड बैठक बस्न सकेको छैन । असोज २८ र २९ मा हुने तयारी भएको क्यानको वार्षिक साधरण सभा पनि स्थगित हुन पुगेको थियो ।

Source link

Share:

Leave a Reply

Your email address will not be published. Required fields are marked *