टोटेनहमलाई वेस्टह्यामको चुनौती

एजेन्सी – इंग्लिस प्रिमियर लिगमा आज (आइतबार) राति विभिन्न चार खेलमा प्रतिस्पर्धा हुदैछ । टोटेनहमले वेस्टह्यामको तथा लेस्टर सिटीले एस्टन भिल्लासँग प्रतिस्पर्धा गर्दैछ ।

यस्तै सेफिल्ड युनाइटेडले फुलहमसँग तथा क्रिस्टल प्यालेसले ब्राइटनसँग आज राति नै प्रतिस्पर्धा गर्दैछ । टोटेनहम र वेस्टह्यामबीचको खेल नेपाली समयअनुसार टोटेनहम हस्टपर स्टेडियममा राति ९ः१५ बजे हुनेछ ।
घरेलु मैदानमा टोटेनहम वेस्टह्यामाई पराजित गर्दै अंक तालिका सुधार गर्ने दाउमा हुनेछ । अघिल्लो खेलमा म्यानचेस्टर युनाइटेडमाथि ६–१ को सानदार जित निकालेर उच्च मनोबलमा रहेको टोटेनहम सोही लयलाई निरन्तरता दिने योजनामा हुनेछ ।
यसै समरमा रियलबाट टोटेनहम आएका फरवार्ड ग्यारेथ बेलको वेस्टह्यामविरुद्ध खेल्न सक्नेछन् । लयमा रहेको ह्युङ मिन सन, ह्यारी केन, लुकास मोउरा, एनडेम्वेले, इरिक लमेला, मोउसा सिसाको, पिएरे इमिल होब्जजर्ग इरिक डाएर र गोलरक्षक तथा कप्तान ह्युगो लोरिस टोलीमा रहनेछ । चोटका कारण सर्जियो रिगुइलोनले खेल्ने सम्भावना न्युन छ ।
यता, औसतको प्रदर्शन गरिरहेको वेस्टह्याम टोटेनहमलाई पनि स्तब्ध पार्दै अंक तालिका सुधार गर्ने दाँउमा हुनेछ । वेस्टह्यामले प्रिमियर लिगमा वल्भ्स र लेस्टर सिटीलाई हराउदा न्युक्यासल र आर्सनलसाग पराजित भएको थियो । टोटेनहमविरुद्ध मिचेल एन्टेनियो, पाब्लो फोनल्स, जारोड बोवेन, डिक्लन रिस, थोमस सोउसेक, आरोना क्रेसवेल र एन्जेलो ओग्बोन्नालगायतका खेलाडी हुनेछन् ।
वेस्टह्याम ४ खेलबाट ६ अंक जोडेर १२औ स्थानमा रहेको छ । सातौं स्थानको टोटेनहमको ४ खेलमा ७ अंक छ ।

Source link

Share:

Leave a Reply

Your email address will not be published. Required fields are marked *