म्यानचेस्टरको सानदार जित, सिटी पनि विजयी

एजेन्सी – इंग्लिस प्रिमियर लिगमा म्यानचेस्टर युनाइटेड र म्यानचेस्टर सिटीले जित निकालेको छ । युनाइटेडले न्युक्यासल युनाइटेडमाथि ४–१ को सानदार जित हात पारेको हो ।

आत्मघाती गोलमार्फत पछि परेपनि युनाइटेडले पूनरागमन गर्दै ४–१ को सानदार जित हात पारेको हो । युनाइटेडको जितमा ह्यारी मिगुएर, ब्रुनो फर्नान्डेस, आरोन वान बिशाखा र मार्कुस रासफोर्डले गोल गरे । लुक साले आत्मघाती गोल गरेका थिए ।
सेन्ट जेम्स पार्कमा शनिबार राति भएको खेलको दोस्रो मिनेटमा नै लुक साको आत्मघाती गोलबाट युनाइटेड पछि परेको थियो । २०औं मिनेटमा ब्रुनो फर्नान्डेसले गोल गरेपनि उनको गोलले भिएआरले मान्यता पाएन । २३औं मिनेटमा जुवान माटाको पासमा ह्यारी मिगुएरले गोल गर्दै खेललाई १–१ गोलको बराबरीमा ल्याए ।

५८औं मिनेटमा ब्रुनो पेनाल्टीमा चुक्दा युनाइटेडले खेलमा अग्रता लिने अवसर गुमायो । खेलको अन्त्यतिर तीन गोल गर्दै युनाइटेडले न्युक्यासलमाथि सहज जित निकाल्न सफल भयो ।
८६औं मिनेटमा मार्कुस रासफोर्डको पासमा ब्रुनो फर्नान्डेसले गोल गर्दै युनाइटेडलाई २–१ को अग्रता दिलाए । ९०औं मिनेटमा रासफोर्डकै पासमा आरोना वान विशाखाले गोल गर्दै युनाइटेडलाई सहज जिततर्फ अघि बर्ढा । इन्ज्युरी समयको थप गरिएको छैटौ मिनेटमा ब्रुनोको पासमा रासफोर्डले गोल गर्दै युनाइटेडलाई ४–१ को सहज जित दिलाए ।

जितसँगै युनाइटेड ४ खेलबाट ६ अंक जोडेर १४औं स्थानमा उक्लिएको छ । न्युक्यासल ७ अंकसहित ११औं स्थानमा छ । अर्काे खेलमा रहिम स्ट्रलिङको एकमात्र गोलमा म्यानचेस्टर सिटीले आर्सनलमाथि १–० को झिनो जित निकालेको छ ।
स्ट्रलिङले खेलको २३औं मिनेटमा गोल गरेका थिए । जितपछि सिटी ७ अंक जोडेर नवौं स्थानमा उक्लदा आर्सनल ९ अंकसहित पाँचौ स्थानमा रहेको छ ।

Source link

Share:

Leave a Reply

Your email address will not be published. Required fields are marked *