युभेन्ट्स क्रोटोनसँग रोकियो

एजेन्सी – डिफेन्डिङ च्याम्पियन युभेन्ट्स इटालियन सिरी ‘ए’ मा क्रोटोनसँग बराबरीमा रोकिएको छ । युभेन्ट्सले घरेलु टोली क्रोटोनसँग १–१ गोलको बराबरी खेल्दै अंक बाड्न बाध्य बनेको हो ।

क्रोटोनमा शनिबार राति भएको खेलमा स्टार फरवार्ड क्रिस्टियानो रोनाल्डोविना मैदान उत्रिएको युभेन्ट्स खेलको १२औं मिनेटमा पछि परेको थियो । सिमीले पेनाल्टीमार्फत गोल गर्दै घरेलु टोलीलाई १–० को अग्रता दिलाएका थिए ।
काउन्टर अट्याकमा बल अघि बढाइरहेका अर्काडिउस रिकालाई लियोनार्दाे बोनुचीले पेनाल्टी बक्समा लडाएपछि रेफ्रीले क्रोटोनलाई पेनाल्टी दिएको थियो । २१औं मिनेटमा अल्भारो मोराटाले गोल गर्दै खेललाई १–१ गोलको बराबरीमा ल्याए ।
उनले फेडरिको चिइसाको पासमा गोल गर्न सफल भएका थिए । ४४औं मिनेटमा साल्भाटोर मोलिनाको प्रहार पोस्टमा लागेर फकैदा क्रोटोनले खेलमा पुनः अग्रता लिने अवसर खेर फाल्यो ।
६०औं मिनेटमा युभेन्टस १० खेलाडीमा सीमित बन्यो । लुका सिगारिनीमाथि फल गरेपछि रेफ्रीले फेडरिको चिइसालाई सिधै रातो कार्ड देखाउदै मैदान बाहिर पठाए । ६२औं मिनेटमा डिजान कुकुसेभ्स्कीले मोराटाको पासमा गरेको प्रहार पोस्टमा लाग्दै बाहिरियो ।
७७औं मिनेटमा अल्भारो मोराटाले गोल गरेपनि भिएआरको मान्यता पाएन । त्यसपछि थप अवसर सिर्जना भएपनि गोल निस्कन नसक्दा खेल १–१ गोलको बराबरीमा टुगिंयो ।
बराबरीपछि युभेन्ट्स ४ खेलबाट ८ अंक जोडेर चौथो स्थानमा रहँदा क्रोटोन १ अंकसहित १८औं स्थानमा छ ।

Source link

Share:

Leave a Reply

Your email address will not be published. Required fields are marked *