एन्फालाई एएफसीको ग्रासरुट सदस्यता

काठमाडौं (हाम्रो खेलकुद) – एसियाली फुटबल महासंघ (एएफसी) ले अखिल नेपाल फुटबल संघ (एन्फा) को एएफसी ग्रासरुट चार्टर सदस्यता प्राप्त गरेको छ ।

नेपालले ग्रासरुट फुटबलमा गरेको उपलब्धिलाई मध्यनजर गर्दै एएफसीले ब्रोन्ज मेम्बरसिप प्रदान गरेको हो । एएफसी महासचिव डाटो विन्ड्सर जोनले एक पत्रमार्फत एन्फाले सदस्यताका लागि दिएको आवेदन ग्रासरुट प्यानलले स्वीकृत गरेको जानकारी दिए ।
एन्फा अध्यक्ष कर्माछिरिङ शेर्पाले नेपालले ग्रासरुट फुटबलमा गरेको मिहिनेतको फल प्राप्त भएको बताए । एन्फा उपाध्यक्ष तथा ग्रासरुट र युथ संयोजक उपेन्द्रमान सिंहले नेपाली फुटबलका लागि यो ठूलो उपलब्धि रहेको बताए । उनले कोरोनाका कारण यसवर्ष केहि असर गरेपनि यस सदस्यताले उर्जा थपिएको महसुस गरेको बताए ।
टेक्निकल डाइरेक्टर ग्यारी फिलिप्सले नेपाली फुटबलको स्तरोन्नति गर्नका लागि यो पहिलो कदम रहेको बताए । ग्रासरुट व्यवस्थापक मनोज रञ्‍जितले पछिल्लो दुई वर्षमा एन्फाले ल्याएको योजनाको कदर गरेको बताए । उनले अब सिल्भर मेम्बरसिप प्राप्त गर्न थप हौसला मिलेको बताए ।

Source link

Share:

Leave a Reply

Your email address will not be published. Required fields are marked *