स्पेनलाई युक्रेनको चुनौती

एजेन्सी – यूईएफए नेसन्स लिगको चौथो चरणको खेलमा आज राति स्पेनले युक्रेनको सामना गर्दैछ । खेल किभमा नेपाली समयअनुसार राति १२ः३० बजे हुनेछ ।

घरेलु टोली युक्रेनलाई पराजित गर्दै स्पेन लिग ‘ए’ को ४ मा शीर्षस्थानलाई थप पकड बनाउने योजनामा हुनेछ । तीन चरणको खेल सकिदा अपराजित रहेको स्पेन ७ अंक जोडेर शीर्षस्थानमा रहेको छ । समान खेलबाटै जर्मनीको ५ अंक रहेको छ ।
युवा र अनुभवी खेलाडीको साथ रहेको स्पेन युक्रेनमाथि सहज जितको लक्ष्यमा हुनेछ । स्पेनसँग अनुभवी डिफेन्डर तथा कप्तान सर्जियो रामोस, जेसस नाभास, पोउ टोरेस, जोस गाया, मिकेल मेरिनो, सर्जियो बुस्क्वेट्स, फेरान टोरेस, ड्यानियल ओल्मो, अन्सु फाती र मिकेल ओयरजावल रहेको छ । यस्तै रोड्री, ड्यानियल सेवालोस, एडामा ट्राओरे, जेरार्ड मोरेनो, सर्जियो क्यानालेस र गोलरक्षक डेभिड हे गेयाको साथ रहेको छ ।
यस्तै युक्रेन पनि घरेल मैदानमा स्पेनलाई पराजित गर्दै हारको श्रृंखला तोड्ने दाँउमा हुनेछ । युक्रेनले पछिल्लो तीन खेलमा जित निकाल्न सकेको छैन । गत महिना स्वीट्जरल्यान्डलाई २–१ ले हराएयता युक्रेन जितविहीन छ । यसक्रममा युक्रेनले स्पेनसँग ४–०, फ्रान्ससँग ७–१ को तथा यसै साता जर्मनीसँग २–१ को हार बेहोरेको छ ।
युक्रेनसँग रोमन यारेमचुक, एन्ड्री यार्माेलेन्को, माइकोला सापारेन्को, भिक्टोर कोभालेन्को, भिटाली माइकोलेन्को र गोलरक्षक जर्ज बुस्चन रहेको छ ।
यि दुई टोली हालसम्म तीन पटक प्रतिस्पर्धा गर्दा तीनैपटक स्पेन विजयी भएको छ । स्पेन सोही जितको लयलाई निरन्तरता दिने दाँउमा रहँदा युक्रेन स्पेनसँगको हारको यात्रालाई पुर्णविराम लगाउने दाँउमा हुनेछ । स्पेन पछिल्लो १२ खेलमा अपराजित रहेको छ ।
युक्रेन ३ अंक जोडेर तेस्रो स्थानमा रहँदा १ अंकसहित स्वीट्जरल्यान्ड पुछारमा छ । यही समूहको अर्काे खेलमा जर्मनी र स्वीट्जरल्यान्डबीच राति १२ः३० बजे नै प्रतिस्पर्धा हुदैछ ।
अन्य खेल
लिग ‘ए’ ४जर्मनीविरुद्ध स्वीट्जरल्यान्ड (राति १२ः३० बजे)
लिग ‘सी’ १अजरवैजानविरुद्ध साइप्रस (राति ९ः४५ बजे), मोन्टेनग्रोविरुद्ध लक्जेमवर्ग (राति १२ः३० बजे)
लिग ‘डी’ १लात्भियाविरुद्ध माल्टा (राति ९ः४५ बजे), फारोइ आइल्यान्डविरुद्ध एन्डोरा (राति १२ः३० बजे)
लिग ‘डी’ २लिचेस्टाइनविरुद्ध सान मारिनो (राति १२ः३० बजे)

Source link

Share:

Leave a Reply

Your email address will not be published. Required fields are marked *