चेन्नईबाट दशक अघिको प्रर्दशन दोहोरिने अपेक्षा

एजेन्सी – इन्डियन प्रिमियर लिग (आइपिएल) को सर्वाधिक सफल फ्रेन्चाइज टोली चेन्नई सुपर किंग्स जारी सिजनमा सुरुवाती समय खराब प्रर्दशन गरेको छ ।

सुरुवाती ७ खेलमा ५ मा हार र २ मा जित सहित चेन्नई अंक तालिकामा सातौं स्थानमा छ । आइपिएल इतिहासमा चेन्नईले सुरुवाती ७ खेलमा पाँच खेल गुमाएको यो दोस्रो पटक हो । यसअघि चेन्नईले सन् २०१० सुरुवाती ७ खेलमा ५ खेल हारेको थियो । तर उत्कृष्ट पूनरागमनको साथ चेन्नई त्यसैवर्ष पहिलो उपाधि जितेको थियो ।
सन् २०२० मा लिग चरणका आधा खेल सकिँदा चेन्नई एक दशक अघिकै अवस्थामा छ । त्यसैले चेन्नईबाट एक दशक अघिको नतिजाको अपेक्षा गरिएको छ । जारी सिजनमा चेन्नईले मुम्बई इन्डियन्सलाई ५ विकेटले हराउँदै उत्कृष्ट सुरुवात गरेको थियो । तर राजस्थानसँग १६ रन, दिल्ली क्यापिटल्ससँग ४४ रन र सनराइजर्स हैदराबादसँग ७ रनले पराजित हुन पुग्यो ।
पाँचौ खेलमा किंग्स इलेभेन पन्जाबलाई १० विकेटले पराजित गर्दै उत्कृष्ट पूनरागमन गर्ने संकेत दिएको थियो । तर कोलकाता नाइट राइडर्ससँग १० रन र रोयल च्यालेन्जर्स बेंगलोरसँग ३७ रनले पराजित हुँदै पहिलो पटक लिग चरणबाट बाहिरिने खतरामा पुगेको छ । यो अवस्थामा चेन्नईलाई प्रर्दशनमा जादुगर्न आवश्यक छ ।

सन् २०१० मा चेन्नईले पहिलो खेलमा डेक्कन चार्जर्ससँग ३१ रनले पराजित हुन पुगेको थियो । कोलकातालाई ५५ रन र दिल्ली क्यापिटल्सलाई ५ विकेटले हराउँदै राम्रो पूनरागमन गरेको थियो । त्यसपछि भने चेन्नई लगातार चार खेलमा पराजित भएको थियो । चेन्नई पन्जाबसँग सुपर ओभर, बेंगलोरसँग ३६ रन, मुम्बईसँग ५ विकेट र राजस्थान रोयल्ससँग १७ रनले पराजित हुँदै इतिहासकै खराब अवस्थामा पुगेको थियो ।
धेरैले त्यस सिजन लिग चरणबाटै बाहिरिने बताएका थिए । तर कप्तान महेन्द्रसिंह धोनीको उत्कृष्ट रणनीतिमा पछिल्ला ७ मध्य ५ खेलमा जित निकाल्दै १४ अंकका साथ तेस्रो स्थानमा रहेर सेमिफाइनल खेलेको थियो ।
सुरुवाती ७ खेलमा ५ खेल हारेको चेन्नईले त्यसपछि लगातार तीन खेलमा जित निकालेको थियो । बेंगलोरलाई ५ विकेटले हराउँदा राजस्थानलाई २३ रनले हराएको थियो । मुम्बईलाई २४ रनले पराजित गर्दै सेमिफाइनलमा आफ्नो स्थान कायमै राखेको थियो । डेक्सनसँग भने ६ विकेटले पराजित हुन पुगेको थियो । चेन्नईले कोलकातालाई ९ विकेटले पराजित गर्दै सेमिफाइनको सम्भावना बलियो बनाउन पुगेको थियो । दिल्लीसँग ६ विकेटले पराजित भएपनि लिग चरणको अन्तिम खेलमा पन्जाबलाई ६ विकेटले पराजित गर्दै सेमिफाइनलमा स्थान पक्का गरेको थियो ।

सेमिफाइनलमा चेन्नईले डेस्कनलाई ३८ रनले हराउँदै फाइनलमा पुगेको थियो । फाइनलमा चेन्नईले मुम्बईलाई २२ रनले हराउँदै पहिलो पटक च्याम्पियन बन्न सफल भएको थियो । चेन्नईले अव बाँकी ७ खेलमा उत्कृष्ट नतिजा निकाल्नु बाहेक अन्य विकल्प छैन ।
अब चेन्नई आफ्नो उत्कृष्ट नतिजासँगै टोली अन्य टोलीको प्रर्दशनमा पनि निर्भर रहनुपर्छ । सन् २०१०, २०११ र २०१८ को च्याम्पियन चेन्नई हालसम्म लिग चरणबाट नबाहिरिने एकमात्र टोली हो । आफ्नो उक्त विरासत बचाउन चेन्नईका खेलाडीलाई जादुमय प्रर्दशन गर्न आवश्यक देखिन्छ ।
यस पटक चेन्नईको मध्यक्रम सबैभन्दा कमजोर देखिन्छ । तर उक्त कमजोरलाई छोडेर आफ्नो बलियो पक्षलाई ध्यान दिन आवश्यक छ । चेन्नईको बलियो पक्ष बनेको अनुभवी खेलाडीको बाहुल्यता हो । अनुभवको सदुपयोग गर्दै दबाबमा उत्कृष्ट प्रर्दशन गर्न आवश्यक छ । चेन्नईबाट ब्याटिङमा फाप डु प्लेसिस राम्रो लयमा छन् । उनलाई शेन वाटसन र आम्बाती रायुडूले राम्रो साथ दिन आवश्यक छ ।

तल्लोक्रममा महेन्द्रसिंह धोनी, साम करन र रविन्द्र जडेजाले उत्कृष्ट अन्त्य गर्न सक्नुपर्छ । विश्वकै उत्कृष्ट फिनिसर धोनीले आफ्नो स्वभाविक खेल खेल्न आवश्यक पर्दछ । यसअघि चेन्नईको मुख्य हतियार स्पिन आक्रामण हो । तर यस पटक चेन्नईको स्पिनरकै प्रर्दशन कमजोर छ । सुरुवाती ७ खेलमा चेन्नईका ३ बलरले ११ विकेट लिएका छन् ।
तीव्र गतिका बलर प्रमुख हतियार दीपक चहरले ७ खेलमा ६ विकेटमात्र लिन सकेका छन् । साम करनले ८ विकेट लिएका छन् । चेन्नईको मध्यक्रम ब्याटिङ निकै कमजोर देखिन्छ । आइपिएलका सर्वाधिक सफल ब्याट्सम्यान मध्यका एक सुरेश रैनाले पारिवारिक आफ्नो नाम फिर्तालिएपछि चेन्नईको मध्यक्रम बन्न पुगेको हो । मिड सिजन ट्रान्सफर मार्फत मध्यक्रम ब्याटिङ समस्या समधान गर्न सके चेन्नईलाई ठूलो राहत पुग्ने देखिन्छ ।

Source link

Share:

Leave a Reply

Your email address will not be published. Required fields are marked *