फाती ला लिगाको उत्कृष्ट खेलाडी

एजेन्सी – बार्सिलोनाका युवा विंगर अन्सु फाती ला लिगामा सेप्टेम्बरको उत्कृष्ट खेलाडी अर्थात प्लेयर अफ दी मन्थ चुनिएका छन् । ला लिगाका फलोअर्स र लिगका प्रायोजकहरुको मतका आधारमा महिनाको उत्कृष्ट खेलाडी छनोट गर्ने प्रावधान छ ।

बार्सिलोनाका सुरुवाती २ गोलमा १७ वर्षे स्पेनिस अन्तर्राष्ट्रियले ३ गोल गरिसकेका छन् । जसमा भिल्लारियलविरुद्ध २ गोल छ । त्यस्तै उनले सेल्टा भिगोविरुद्ध पहिलो गोल गरेका थिए । सेभिल्लासहित सिजनका सबै तीन खेलमा उनी पहिलो रोजाईमा खेलेका थिए ।
फातीले सेल्टाका इगो आसपास, एट्लेटिको म्याड्रिडका लुइस सुआरेज, रियल बेटिसका सर्जिइो कानालेस, लेभान्तेका जोसे लुइस मोरोलस, रियल सोसिडाडका मिकेल मारिनो र ग्रानाडाका लुइस मिलालाई पछि पारेका थिए ।
फातीसँगै जारीस सिजनमा ३ गोलसहित शीर्षस्थानमा रहनेमा आसपास, मोरोलस, म्याक्सी गोमेज, पाको अल्सेसन र गेरार्ड मोरेनो छन् । बार्सिलोनामा यो सिजनमा १ भन्दा बढी गोल गर्ने फाती एक्लो हुन् । कप्तान लिओनल मेस्सी, सर्जियो रोबेर्टो, फिलिपे काउटिन्होको नाममा समान १ गोल छ ।
मेस्सी वा सुआरेज र नेयमार बाहेक सन् २०१५ यता प्लेयर अफ दी मन्थ चुनिएमा फाती पहिलो बार्सिलोना खेलाडी हुन् । अक्टुबरमा पनि फातीले सो अवार्ड जितेको खण्डमा एक भन्दा बढी पटक प्लेयर अफ मन्थ बन्नेमा फाती ला लिगाका १२ औं खेलाडी बन्नेछन् ।
अहिले सम्म मेस्सीले सर्वाधिक ७ पटक, बार्सिलोनाकै एन्टोनी ग्रिजमनले ६, सुआरेजले ४ र क्रिस्टियानो रोनाल्डो र आसपासले ३ पटक जितेका थिए । अरिट्ज अडुरिज, करिम बेन्जेमा, डिएगो गोडिन, कोके, नोलिटो र कार्लोस भेलाले समान २ पटक उक्त अवार्ड जिएका छन् ।

Source link

Share:

Leave a Reply

Your email address will not be published. Required fields are marked *