बेलको आगमनले बलियो बन्दै टोटेनहम

एजेन्सी – स्पेनिस टोली रियल म्याड्रिडका विंगर ग्यारेथ बेल आफ्नो पुरानो टोली टोटेनहम फर्किए भने अब आश्चार्य मान्नुपर्ने छैन । रियलमा पछिल्लो समय खलनायक बनेका बेल प्रिमियर टोली फर्के भने जोसे मोउरिन्होको योजनाका लागि भने फाइदाजनक हुन सक्छ ।

रियलका प्रशिक्षक जिनेदिन जिदानको रोजाईमा पर्न नसकेका बेल माउरिन्होका भने प्रिय खेलाडी हुन् । मोउरिन्हो म्यानचेस्टर युनाइटेडमा हुँदा पनि बेल त्यहि जाने चर्चा पनि चलेको थियो । यद्दपी त्यो योजना सफल भएन । यसपटक भने माउरिन्हो सफल हुने विश्वास गरिएको छ । मोउरिन्होले रियालमा रहँदा पनि बेललाई अनुबन्ध गर्ने प्रयास गरेको स्वीकारेका छन् ।
रियलकै अर्का खेलाडी सर्जियो रिगुइलोन टोटेनहम पुगिसकेका छन् । बेल, रिगुइलोनसहितको पहिलो रोजाई उतार्न सकेको खण्डमा माउरिन्होले यो सिजन उपाधिको दाबी गर्ने सम्भावना पनि रहने विश्वास गरिएको छ । बेल टोटनहम गएको अवस्थामा टोलीको पहिलो रोजाई यस्तो हुन सक्दछ ।
टोटेनहमका कप्तान तथा गोलरक्षक ह्युगो लोरिसले अझै केहि वर्ष उक्त पोजिसन आफ्नो बनाएका छन् । गत सिजन चोटका कारण लामो समय बाहिर रहेका लोरिस आफ्नो करिअरको उच्च फर्ममा छन् । डिफेन्समा यसै सिजन वल्भ्सबाट लन्डन पुगेका म्याट डोहर्टि रहनेछन् । सेन्टर डिफेन्समा टोबी आल्डरवेरल्डलाई एरिक डाएरले साथ दिनेछन् । मोउरिन्होको आगमनसँगै डाएर नियमित रुपमा डिफेन्समा खेल्न थालेका हुन् ।

लेफ्ट ब्याक भूमिकामा सर्जियो रेगुइलोन रहनेछन् । गत सिजन सेभिल्लाबाट खेल्दै ला लिगाकको उत्कृष्ट लेफ्ट ब्याक घोषित उनले ५ वर्षको सम्झौता गरिसकेका छन् । मिडफिल्डमा साउथह्याम्पटन छाडेर मोउरिन्होको टोलीमा समावेश भएका पिएर इमिल होएबिएर हुनेछन् । यस्तै उनलाई एकेडेमीबाट आएका ह्यारी विंक्सले साथ दिनेछन् । मिडफिल्डर मुसा सिसोको र टान्गी एनडोम्बेले पनि सुरुवाती एघारका लागि प्रतिस्पर्धामा हुनेछन् ।
बेलको आगमनसँगै टोटेनहमको आक्रमण निकै बलियो हुनेछ । विश्वका उत्कृष्ट मध्यका फरवार्ड ह्यारी केन टोटेनहमका स्टार हुन् । उनीसँगै ह्युङ मिन सन र लुकास मोउराले पनि टोलीको आक्रमणमा जोड पुर्याएका छन् । डेले अली र जिओभानी लो सेल्सोले आक्रमण मिडफिल्ड सम्हाल्दै टोलीलाई थप मजबुती दिएका छन् ।
सम्भवत पहिलो रोजाई : ह्युगो लोरिस, माट डोहर्टी, टोबे एल्डरवरल्ड, एरिक डाएर, सर्जियो रेगुइलोन, पिएर इमिल होएबिएर, ह्यारी विंक्स, जिओभानी लो सेल्सो, ग्यारेथ बेल, सन ह्युङ मिन, ह्यारी केन ।

Source link

Share:

Leave a Reply

Your email address will not be published. Required fields are marked *