सुआरेजप्रति कोम्यानको धारणा बदलियो

एजेन्सी – रोनाल्ड कोम्यानले बार्सिलोनाको प्रशिक्षक नियुक्त भएको केहि दिनमै टोलीका फरवार्ड लुइस सुआरेजलाई क्लब बाहिरिन ढोका खुला गरेका थिए । तर, पछिल्लो समय भने उनको सुरुको भनाई बलदिएको छ ।

सुआरेजलाई इटालियन क्लब युभेन्ट्स वा अन्य क्लबमा विक्री गर्ने योजनामा बार्सिलोना सफल नभएपछि कोम्यानले आफ्नो धारणा बदल्नु पर्ने अवस्था देखिएको हो । क्लब सम्हालेको केहि दिनमै डच प्रशिक्षकले सुआरेजलाई नयाँ सिजनका लागि उनी योजनामा नरहेको प्रष्ट पारेका थिए । उनले फोनमार्फत नै सुआरेजलाई आफ्नो निर्णय सुनाएका थिए ।

तर, उनको सुरुवामा केहि जटिलता देखिएको छ । जसका कारण अन्य क्लबमा सरुवा हुने उनको सम्भावना कमजोर हुँदै आएको छ । ‘मैले आज बिहान लुइससँग कुराकानी गरे,’ बुधबार मैत्रीपूर्ण खेलमा बार्सिलोनाले जिरोनालाई हराएको केहि समयमा भएको कुराकानी उल्लेख गर्दै कोम्यानले भने, ‘उनी जान्छन् वा बस्छन् हामी हेरिरहेका छौं । तर हामी सम्झौताको सम्मान गछौं । मैले सुरुवात देखि भनेको छु उनी रहे भने टोलीको अर्को खेलाडीका रुपमा रहनेछन् ।’

फ्रान्सिस्को ट्रिनकाअो र रोनाल्ड अराउजोले बुधबारको मैत्रीपूर्ण खेलमा प्रभावशाली प्रदर्शन गरेका थिए । तर, कोम्यान अन्य युवा खेलाडीबाट पनि प्रभावित छन् । ‘हामीलाई थाहा छ हामीसँग प्रतिभावान अन्य युवा खेलाडी पनि छन् । उनीहरुले अभ्यास र मैत्रीपूर्ण खेलमा राम्रो गरिरहेका छन्’, कोम्यानले थपे,‘ यदि व्यक्तिगत रुपमै भन्नुपर्दा कोनराड डे ला फुन्टे छन् । तर पेड्री, रिक्वीले पनि राम्रो सम्भावना देखाएका छन् ।’

ट्रिनकाअोको प्रदर्शनले फिलिप्पे काउटिन्होलाई फाइदा पुगेको थियो । लिओनल मेस्सीले २ गोल गरेको खेलमा अर्को गोल काउटिन्होले ट्रिनकाअोको पासमा गरेका थिए । ३–१ को जितमा कोउटिन्होको पहिलो गोल थियो ।

लोन अवधि पुरा गरेर यसै सिजन बार्सिलोना फर्केका ब्राजिलियन कोउटिन्होले क्लबमा सहज महसुस गरिरहेको देखिएको छ । ‘ अहिलेको समयमा उनको खेल्ने चाहना उच्च देखिएको छ’, कोम्यानले भने,‘ उनी अभ्यास र खेलमा राम्रो गरिरहेका छन् । उनी क्षमतावान खेलाडी हुन् । उनले आफ्नो प्रशिक्षक र समर्थकको साथ चाहिरहेका छन् ।’

Source link

Share:

Leave a Reply

Your email address will not be published. Required fields are marked *