रेगुइलोन टोटेनहम आउने

एजेन्सी – स्पेनिस क्लब रियल म्याड्रिडका डिफेन्डर सर्जियो रेगुइलोन इंगलिस प्रिमियर लिगको टोटेनहम हट्सपरमा अनुबन्धित हुने भएका छन् ।

रियल म्याड्रिड र टोटेनहमबीच खेलाडीको ट्रान्सफरका लागि सहमति बनेपछि रेगुइलोनले क्लबसंग पनि मौखिक सम्झौता गरिसकेका छन् । यसअघि म्यानचेस्टर युनाइटेडले पनि रेगुइलोनलाई अनुबन्ध गर्ने प्रयास गरेको थियो । तर रियलले सहमतिका क्रममा राखेको प्रावधानका कारण युनाइटेडले पछि हट्ने निर्णय लिएको थियो ।
टोटेनहमले रेगुइलोनका लागि २५ मिलियन युरो खर्चनेछ । तर सहमति अनुसार रियलले खेलाडी फिर्ता लिन चाहेको खण्डमा केहि प्रतिशत रकम बढाएर टोटेनहमले खेलाडी फिर्ता दिनुपर्नेछ । युनाइटेडले भने यस प्रावधान कुनै हालतमा स्वीकार नगर्ने बताएको थियो ।
२३ वर्षीय रेगुइलोन आफैंले पनि दुई क्लबले युनाइटेड रोजेका थिए । तर जोसे मोउरिन्होले आफैं सम्पर्क गरेर दिर्घकालिन योजना बताएपछि रेगुइलोन सहमत भएको बुझिएको छ । टोटेनहमले रेगुइलोनलाई ५ वर्षको लागि अनुबन्धन गर्दै थप एक वर्षको विकल्प राख्नेछ ।
रेगुइलोन केहि दिनमा नै औपचारिक रुपमा लन्डन क्लबमा आबद्ध हुनेछन् । गत सिजन लोनमा सेभिल्ला पुगेका उनलाई स्पेनी क्लबले नै पुन: लोनमा लिन चाहेको थियो । तर रियल म्याड्रिडले उनलाई स्थायी रुपमा बेच्न चाहेपछि सेभिल्लाले प्रक्रिया अगाडी बढाएन । गत सिजन युरोपा लिग जित्दा रेगुइलोनले उत्कृष्ट प्रदर्शन गरेका थिए ।

Source link

Share:

Leave a Reply

Your email address will not be published. Required fields are marked *