एमबाप्पेका लागि रियलको बचत

एजेन्सी – फ्रान्सेली स्टार केलियन एमबाप्पेले अर्को सिजन पेरिस सेन्ट जर्मेन (पिएसजी) छाड्ने क्लबलाई जानकारी गराइसकेका छन् । लिग वान च्याम्पियन टोलीले अर्को वर्ष एमबाप्पेलाई ३ सय मिलियन युरो भन्दा बढीमा विक्री गर्ने अपेक्षा गरेको छ ।

ला लिगा च्याम्पियन रियल म्याड्रिडले २१ वर्षे फरवार्डलाई भित्राउन सबैभन्दा बढी इच्छा देखाएको बताइएको छ । सञ्चार माध्यमहरुका अनुसार पिएसजीले ३ सय २४ मिलियन युरोमा विक्री गर्ने अपेक्षा गरिएको छ ।

तर, यो रकम धेरै क्लबका लागि तिर्न सहज हुने छैन । पछिल्लो समय बजारमा आक्रामक देखिएको म्यानचेस्टर सिटी पनि त्यति ठूलो रकम तिर्न तयार हुनेमा शंका गरिएको छ । त्यति रकम तिर्न कुनै क्लब तयार नभएको अवस्थामा एमबाप्पले सन् २०२२ को अन्त्य सम्म पिएसजीमै हुनेछन् । त्यसपछि भने उनी फ्रि ट्रान्फरमा उपलब्ध हुनेछन् ।

रियलले एमबाप्पेका लागि १ सय मिलियन युरो प्रस्ताव गर्ने अनुमान गरिएको छ । यदि पिएसजी त्यतिमा उनलाई विक्री गर्न तयार नभएमा त्यसपछिको सिजनमा भने रियलले ठूलो बोनस रकमसहित फ्रि ट्रान्फरमा एम्बाप्पेलाई भित्राउन सक्नेछ ।

त्यसो त यसपटक कोरोनम भाइरसका कारण आर्थिक रुपमा कठिन रहेकाले पनि ठूला टोलीले खर्च गरेका छैनन् । धेरैले यसलाई अर्को सिजन एमबाप्पे अनुबन्ध गर्न रकम बचाएको रुपमा हेरेका छन् । रियल म्याड्रिड र एमबाप्पे आफैंको इच्छा अनुसार पनि युवा फरवार्ड म्याड्रिड जाने पक्का जस्तै छ ।

कोरोना संक्रमणका कारण एमबाप्पले यो सिजन लिग वान सुरुवात गर्न सकेका छैनन् । च्याम्पियन पिएसजीले लिग वानका सुरुवाती दुवै खेल हारेका थियो । पछिल्लो खेलमा नेयमार लगायतका खेलाडीले रातो कार्ड पाएपछि क्लब थप समस्यामा परेको छ ।

Source link

Share:

Leave a Reply

Your email address will not be published. Required fields are marked *