मार्टिनेज यो सिजन इन्टरमै बस्ने

एजेन्सी – लाउटारो मार्टिनेज यो सिजन इन्टरमै रहन उनका एजेन्टले बताएका छन् । अर्जेन्टिनी फरवार्ड यो सिजन स्पेनिस क्लब बार्सिलोना जाने बलियो सम्भावना रहेको बताइएको थियो ।

तर, इन्टरसँगको छलफलमा मार्टिनेजलाई खरिद गर्न बार्सिलोना असफल भएको छ ।’ उनी यो सिजन इन्टरमै बस्नेछन्,’ मार्टिनेजका एजेन्ट बेटो याक्वीले भने । मार्टिनेजलाई भित्राउन भन्दै बार्सिलोना वर्ष दिन भन्दा बढी प्रतिक्षा गरेको बताइएको थियो । तर यो वर्ष सम्झौता नहुने सम्भावना बढेको छ ।
केहि दिन यता बार्सिलोनाको चिर प्रतिद्वन्द्वि रियल म्याड्रिड जाने चर्चा चलेको सञ्चारमाध्यमहरुले उल्लेख गरेका थिए । तर मार्टिनेजका एजेन्टले रियल जाने सम्भावना भने अस्वकिार गरेका छन् । उनले भने, ‘हामीले रियलसँग छलफल नै गरेका छैनौ । त्यसैले त्यहा जाने सम्भावना छैन ।’
यसबीचमा इन्टरले भने अब मार्टिनेजसँग थप सम्झौताका लागि आशा राखेको छ । यदि क्लब बाहिरिने क्लज लचिलो भएको खण्डमा भने मार्टिनेजका लागि त्यो राम्रो प्रस्ताव हुने विश्वास गरिएको छ । अर्जेन्टिनी राष्ट्रिय टोलीका नियमित सदस्य रहँदै आएका मार्टिनेज इन्टर मिलानमै रहेर टोली बलियो बनाउने विश्वास क्लबले राखेको छ ।
गत सिजन मार्टिनेज र बेल्जियन फरवार्ड रोमेलु लुकाकुको जोडीले उत्कृष्ट प्रदर्शन गर्दा इन्टरले लिगमा दोस्रो स्थान हासिल गरेको थियो । टोली च्याम्पियन युभेन्ट्सभन्दा १ अंकले पछाडी रहेको थियो । यस्तै युरोपा लिगको फाइनलमा टोलीले सेभिल्लासंग हार बेहोरेको थियो ।

Source link

Share:

Leave a Reply

Your email address will not be published. Required fields are marked *