ललितलाई सहयोग गर्ने क्यानको प्रतिवद्धता

काठमाडौं (हाम्रो खेलकुद) – मोटरसाईकल दुर्घटनामा परि गम्भीर घाइते भएका तीव्र गतिका बायाँ हाते बलर ललितसिंह भण्डारीको उपचारमा नेपाल क्रिकेट संघ (क्यानले) आर्थिक सहयोग गर्ने भएको छ ।

नेपाल क्रिकेट संघ (क्यान) का अध्यक्ष चतुर बहादुर चन्दले आफूहरुले सक्दो सहयोग गर्ने बताएका हुन् । ‘हामीले सक्दो सहयोग छौं । खेलाडीको उपचारमा सहयोग गर्नु हाम्रो दायित्व हो । तुरुन्तै पैसा हाल्न सक्ने भने होईन । कोषाध्यक्ष र महासचिव बोलाएर निर्णय गर्ने छौं । हामीले सहयोगको लागि कुनै कमि र पछि पर्दैनौं’, चन्दले हाम्रो खेलकुदसँग भने ।
‘ठक्कर दिने ट्रकको मालिकले पैसा तिर्छु भनेको छ । पहिला उसको शल्यक्रिया हुन्छ । चार लाख त हेलिकप्टरमै लागेको छ । यो हाम्रो पहिलो घटना हो जस्तो लाग्छ । यस्तो अवस्थाबारे पूर्वतयारी केहि थिएन । यस्तो घटनाबारे सचेत हुनुपर्छ भन्ने बुझेका छौं,’ उनले भने, ‘ अन्तर्राष्ट्रिय खेलाडी घाइते भएमा क्यानले के गर्ने भनेर नीति बनाउन आवश्यक छ । पहिलो कुरा खेलाडीको जीवन विमा गर्न पर्यो । खेलाडीलाई सहयोग त गर्नैपर्छ ।’
‘मेरो हिसाबमा नेपाल प्रहरीको पनि केहि दायित्व हुन्छ । सबै सहयोगको लागि आफ्नो स्थानबाट पहल गरिरहेका छन् । पारस खड्का लगाएतका खेलाडी सबै उपचार सहयोगको लागि आफ्नो स्थानबाट लागेका छन्’,चन्दले भने ।
यो पनि : ललितको उपचारमा सहयोग गर्न सिप्यानको अपिल

Source link

Share:

Leave a Reply

Your email address will not be published. Required fields are marked *