मच्छिन्द्रका तीन विदेशी खेलाडी फुकुवा

काठमाडौं (हाम्रो खेलकुद) – कतार एयरवेज सहिद स्मारक ‘ए’ डिभिजन लिग च्याम्पियन सान मिगेल मछिन्द्र क्लबले आफ्नो विदेशी खेलाडीलाई फुकुवा गर्दै आ–आफ्नो देश फर्काउने तयारी थालेको छ ।

विश्वव्यापी बनेको कोरोना भाइरस (कोभिड –१९) को महामारीले नेपालमा पनि विगत ६ महिनायता कुनैपनि फुटबलसहित अन्य खेलकुद गतिविधि हुन सकेको छैन । अझै पनि फुटबलको गतिविधि हुने अवस्था नरहेपछि लिग च्याम्पियन मछिन्द्रले आफ्नो विदेशी खेलाडीलाई स्वदेश फर्काउने भएको हो ।
मछिन्द्रले लिगका लागि नाइजेरियाका पिटर सेगुन र एडेलाजा सोमिडे तथा क्यामरुनका आन्द्रेस नियालाई अनुबन्ध गरेका थिए । घरेलु फुटबलको चर्चित क्लब मनाङ मस्र्याङ्दी र थ्री स्टारबाट समेत खेलिसकेका पिटर गत ६ सेप्टेम्बरमा स्वदेश फर्किएका थिए ।
आन्द्रेस निया शुक्रबार एडेलाजा सेप्टेम्बर १४ मा स्वदेश फर्कने क्लबका व्यवस्थापक अनिल श्रेष्ठले जानकारी गराए । क्लबले तीन विदेशी खेलाडीलाई स्वदेश पुगेपछि दुई साता क्वारेन्टिनमा बस्नका लागि हरेक खेलाडीलाई १५० अमेरिकी गलर खर्च उपलब्ध गराएको जनाएको छ । पिटर सेगुन र एडेलाजा घरेलु फुटबलमा पुराना तथा आन्द्रेस नियाले पहिलोपटक ‘ए’ डिभिजन लिग खेलेका थिए ।

लिग र मोफसलका प्रतियोगिताका लागि सम्झौता गरिएका खेलाडीहरु मोफसलमा व्यस्त रहेपनि कोरोना कहर शुरु भएपछि मोफसलसहित देशभरका फुटबल गतिविधि स्थगित छन् । अन्तर्राष्ट्रिय उडान पनि ठप्प भएपछि विदेशी खेलाडीहरु नेपालमै बस्न बाध्य बनेका थिए ।
३ फागुनमा भएको लिगको अन्तिम खेलमा मछिन्द्रले आर्मीलाई १–० ले पराजित गर्दै पहिलोपटक लिग च्याम्पियन बन्न सफल भएको थियो । मछिन्द्रलाई च्याम्पियन बन्न निश्चित जितको आवश्यकता रहँदा आर्मीलाई बराबरी पर्याप्त भएपनि आत्मघाती गोलले मछिन्द्र च्याम्पियन बन्न सफल भएको थियो ।

Source link

Share:

Leave a Reply

Your email address will not be published. Required fields are marked *