भिल्लारियल विजयी, आर्सनल रोकियो

एजेन्सी – युरोपा लिगको क्वाटरफाइनलको पहिलो लेगमा स्पेनिस क्लब भिल्लारियलले जित हात पार्दा इंग्लिस क्लब आर्सनल बराबरीमा रोकिएको छ ।

बिहीबार राति भएको खेलमा भिल्लारियलले क्रोएसियन क्लब डिनामो जाग्रिवलाई उसकै मैदानमा १–० ले हराएको हो । भिल्लारियलको जितमा जेरार्ड मोरेनोले पहिलो हाफमा गरेको गोल नै निर्णायक बन्यो । उनले ४४औं मिनेटमा पेनाल्टीमार्फत गोल गरेका थिए ।
घरेलु टोलीविरुद्ध भिल्लारियलले बल पोसेसन राख्दै दवाव बढाएपनि त्यसपछि थप गोल निस्कन नसक्दा भिल्ला रियल विजयी हुन सफल भयो ।महत्वपुर्ण अवे जितसँगै भिल्लारियलको सेमिफाइनल पुग्ने सम्भावना बलियो बनेको छ । १६ अप्रिलमा हुने दोस्रो लेगमा यही नतिजा कायम राख्न सके भिल्लारियल अघिल्लो चरणमा प्रवेश गर्नेछ ।

यता, आर्सनल घरेलु मैदानमा चेक रिपब्लिक क्लब स्लाभिया प्रागसँग १–१ गोलको बराबरीमा रोकिएको छ । खेलको अन्त्यतिर दुई गोल निस्कदा दुवै टोलीले जित हात पार्न सकेन । इमिरेट्स स्टेडियममा बिहीबार राति भएको खेलको ८६औैं मिनेटमा घरेलु टोलीका निकोलस पेपेले गोल गर्दै अग्रता दिलाएका थिए ।
इन्ज्युरी समयको थप गरिएको चौथो मिनेटमा थोमस होलेसले गोल गर्दै स्लाभियालाई हारबाट जोगाउँदा आर्सनल जितबाट वञ्चित बन्यो । दोस्रो लेग स्लाभियाको मैदानमा १६ अप्रिलमा हुनेछ ।

Source link

Share:

Leave a Reply

Your email address will not be published. Required fields are marked *