रोमासँग आयाक्सको हार

एजेन्सी – डच क्लब आयाक्सले युरोपा लिगको क्वाटरफाइनलको पहिलो लेगमा घरेलु मैदानमा इटालियन क्लब रोमासँग हार बेहोरेको छ । घरेलु मैदानमा अग्रता जोगाउन नसक्दा आयाक्सले रोमासँग २–१ को हार बेहोरेको हो ।

आयाक्सले पहिलो हाफमा १–० को अग्रता लिदा रोमाले दोस्रो हाफमा दुई गोल गर्दै जित दर्ता गर्न सफल भएको थियो । योहान क्रुएफ एरिनामा बिहीबार राति भएको खलेमा घरेलु टोली आयाक्सले खेलको ३९औं मिनेटमा डाभी क्लासेनको गोलबाट अग्रता लिएको थियो । उनले डुसान टाडिकको पासमा गोल गरेका थिए ।
५३औं मिनेटमा डुसान टाडिकले पेनाल्टी चुकाउँदा आयाक्स अग्रता दोब्बर पार्नबाट चुक्यो । उनको पेनाल्टीलाई रोमाका गोलरक्षक पाउ लोपेजले बचाए । ५७औं मिनेटमा लोरेन्जो पेलिग्रेनीले गोल गर्दै खेललाई १–१ गोलको बराबरीमा ल्याए । उनले गोलरक्षक जेल सेरपेनको गल्तीको फाइदा उठाउँदै गोल गर्न सफल भएका थिए ।

बराबरीको अवस्थापछि घरेलु टोलीलाई बल पोसेसन राख्दै रोमालाई दवाव बढाएपनि खेलको अन्त्यतिर गोल खान पुगेको थियो । ८७औं मिनेटमा रोजर इवानेजले गोल गर्दै रोमालाई २–१ को महत्वपुर्ण अवे जित दिलाए ।
यस जितसँगै रोमाले सेमिफाइनलको यात्रालाई बलियो बनाएको छ । दोस्रो लेगमा यही नतिजा कायम राख्न सके रोमा अन्तिम चारमा प्रवेश गर्नेछ । आयाक्सलाई कम्तीमा पनि २–० को जितको खाँचो छ । दोस्रो लेग रोमाको मैदानमा १६ अप्रिलमा हुदैछ ।

Source link

Share:

Leave a Reply

Your email address will not be published. Required fields are marked *