दोस्रो मेयर कप वैशाख पहिलो साता

काठमाडौं(हाम्रो खेलकुद) – भरतपुर क्रिकेट क्लबले वैशाख पहिलो साता दोस्रो संस्करणको मेयर कप क्रिकेट यू१६ प्रतियोगिता गर्ने भएको छ । भरतपुर क्रिकेट क्लबका अध्यक्ष अनिल अधिकारीले विहिबार टियु किैकेट मैदानमा एक पत्रकार सम्मेलन गर्दै प्रतियोगिता जानकारी र जर्सी सार्वजनिक गरेका थिए ।

प्रतियोगिता धुर्मुस सुन्तली फाउन्डेसनले जनस्तरबाट निर्माण गरि रहेको गौतम बुद्ध अन्तर्राष्ट्रिय क्रिकेट रंगशाला नमुना क्रिकेट मैदानमा हुने छ । प्रतियोगिता वैशाख २ देखि १२ गते सम्म हुने छ । प्रतियोगितामा देशभरका १८ विद्यालयहरुको सहभागिता रहने छ । भरतपुरमा २०७३ सालमा पहिलो मेयर कप प्रतियोगिता भएको थियो ।
प्रतियोगिता विजेताले १ लाख र उप विजेता हुने टोलीले ५० हजार प्राप्त गर्ने छन् । क्लबका अध्यक्ष अनिल अधिकारीले यू१६ सँगै यू१९ र सिनियर प्रतियोगिता पनि गर्ने योजना रहेको बताए । क्लबले भरतपुरमहानगरपालिकासँग १ करोड माग गरेको छ । अधिकारीका अनुसार चितवनमा टेनिस बलको पहिचान रहेको छ । त्यसैले यस प्रतियोगिता टेनिस बलमा हुने छ । क्लबले वार्षिक ५ वटा प्रतियोगिता गर्ने तयारी गरेको अध्यक्ष अनिल अधिकारी बताउँछन् ।

Source link

Share:

Leave a Reply

Your email address will not be published. Required fields are marked *