इन्टर मिलानको ११ अंकको अग्रता

एजेन्सी – इटालियन सिरी ‘ए’ मा इन्टर मिलानले उपाधि यात्रालाई थप मजवुत बनाउँदा शीर्षस्थानमा ११ अंकको स्पष्ट अग्रता बनाएको छ ।

बुधबार राति घरेलु मैदानमा सस्सुलोमाथि २–१ को जित निकाल्दै महत्वपुर्ण ३ अंक जोडेपछि इन्टरले दोस्रो स्थानमा रहेको एसी मिलानलाई ११ तथा तेस्रो स्थानको युभेन्टसलाई १२ अंकले पछि पारेको हो । इन्टरको २९ खेलबाट ७१ अंक रहेको छ । दोस्रो स्थानको एसी मिलानको ६० तथा तेस्रो स्थानको युभेन्टसको ५९ अंक छ । पराजित सस्सुलो ४० अंक जोडेर नवौं स्थानमा रहेको छ ।
मिलानोमा इन्टरको जितमा रोमेलु लुकाकु र लोउटारो मार्टिनेजले गोल गरे । सस्सुलोका हामेद ट्राओरेले एक गोल फर्काए । खेलको १०औं मिनेटमा लुकाकुको गोलबाट इन्टर मिलानले अग्रता लिएको थियो । उनले एस्ले योङको पासमा गोल गरेका थिए ।

६७औं मिनेटमा लोउटारो मार्टिनेजले लुकाकुको पासमा गोल गर्दै इन्टरलाई २–० ले अघि बढाए । ८५औं मिनेटमा हामेद ट्राओरेले गोल गर्दै खेललाई २–१ को अवस्थामा ल्याएपनि त्यसपछि थप गोल निस्कन नसक्दा इन्टर विजयी हुन सफल भया

Source link

Share:

Leave a Reply

Your email address will not be published. Required fields are marked *