जमानको शतकमा दक्षिण अफ्रिकालाई पाकिस्तानको बलियो लक्ष्य

एजेन्सी – ओपनर फखर जमानको लगातार दोस्रो शतकसँगै पाकिस्तानले तेस्रो तथा निर्णायक ओडिआई खेलमा दक्षिण अफ्रिकालाई ३ सय २१ रनको बलियो लक्ष्य दिएको छ ।

सुपरस्पोटर््स पार्कमा टस हारेर पहिला ब्याटिङ थालेको पाकिस्तानले निर्धारित ५० ओभरमा ७ विकेट गुमाउँदै ३ सय २० रन बनायो ।
पाकिस्तानका ओपनर फखर जमानले १ सय ४ बलमा ९ चौका र ३ छक्का सहित १ सय १ रनको शतकीय इनिङ खेले । जमानको यो लगातार दोस्रो शतक हो । ओडिआई करिअरको छैटौं शतक हो । दोस्रो ओडिआई खेलमा जमानले दक्षिण अफ्रिकाविरुद्ध १ सय ९३ रनको उत्कृष्ट इनिङ खेलेपनि टोलीलाई जिताउन सकेका थिएनन् । कप्तान बाबर आजम ८२ बलमा ७ चौका र ३ छक्का सहित ९४ रनमा क्याच आउट भए । हसन अली ११ बलमा १ चौका र ४ छक्का सहित ३२ रनमा अविजित रहे ।

पाकिस्तानलाई ओपनर इमाम उल हक र फखर जमानले पहिलो विकेटका लागि २१.२ ओभरमा १ सय १२ रनको शतकीय साझेदारीका साथ राम्रो सुरुवात दिलाएका थिए । स्पिनर केशव महाराजले इमामलाई ५७ रनमा क्याच गराउँदै साझेदारी तोडेका थिए । इमामले ७३ बलमा ३ चौका प्रहार गरे । दोस्रो विकेटका लागि जमान र बाबरले ९४ रनको साझेदारी गरेका थिए । सातौं विकेटका लागि बाबर र हसनले २४ बलमा ६३ रनको उत्कृष्ट साझेदारी गर्दै बलियो योगफलमा पुर्याए ।
दक्षिण अफ्रिका स्पिनर केशव महाराजले १० ओभरमा १ मेडन सहित ४५ रन खर्चेर ३ विकेट लिए । एडेन माक्ररमले २, जेजे स्मट्स र एन्डिले फहलुकवयोले १–१ विकेट लिए ।

Source link

Share:

Leave a Reply

Your email address will not be published. Required fields are marked *