सुदूरपश्चिमविरुद्ध ज्योतीको अर्धशतक

काठमाडौं (हाम्रो खेलकुद) – नेपाल एपिएफ क्लबकी ओपनर तथा विकेटकिपर ज्योती पाण्डेले ललितपुर मेयर महिला च्याम्पियनसिप–२०७७ टि२० क्रिकेट प्रतियोगिता तेस्रो खेलमा सुदूरपश्चिम प्रदेशविरुद्ध अर्धशतक प्रहार गरेकी छिन् ।

ज्योतीले ४४ बलमा अर्धशतक पूरा गरेकी हुन् । टियु क्रिकेट मैदानमा टस जितेर पहिला ब्याटिङ गरि रहेको एपिएफले १७ ओभरमा १ विकेट गुमाउँदै १ सय ८ रन बनाएको छ । ज्योती ४९ बलमा ७ चौका सहित ५९ रनमा खेलि रहेकी छिन् । राम्रो लयमा रहेकी ज्योतीले पहिलो खेलमा प्रदेश १ विरुद्ध ३२ रनमा आउट भएकी थिइन् ।
गत पुषमा प्रधानमन्त्री राष्ट्रिय महिला टि ट्वान्टी क्रिकेट प्रतियोगितामा उत्कृष्ट प्रदर्शनका साथ ज्योती उत्कृष्ट ब्याटर घोषित भएकी थिइन् । उक्त प्रतियोगितामा ज्योतीले ५ खेलमा १ सय ५१ रन बनाएकी थिइन् ।

Source link

Share:

Leave a Reply

Your email address will not be published. Required fields are marked *