कुवेती अब्दुल्लाहलाई राष्ट्रिय फुटबल टोलीको प्रशिक्षकको रुपमा सार्वजनिक गर्दै एन्फा

अखिल नेपाल फुटबल संघले आइतबार औपचारिक रुपमा कुवेतका अब्दुल्लाह अल मुताइरीलाई राष्ट्रिय फुटबल टोलीको प्रशिक्षकको रुपमा सार्वजनिक गर्दैछ ।
स्विडिस प्रशिक्षक योहान कालिनले छोडेयता नेपाली टोली प्रो लाइसेन्स प्रशिक्षक बिना अन्तर्राष्ट्रिय फुटबलमा सहभागी हुदै आएको थियो । फिफाले आफ्ना सदस्य राष्ट्रहरुको लागि प्रो लाईसेन्स प्राप्त प्रशिक्षकहरुलाई मात्रै प्रशिक्षणको जिम्मेवारी दिनु पर्ने प्रावधान राखेको छ ।
कतार फुटबल फेडेरेसनले एन्फालाई प्रो लाइसेन्स कोच/एएफसी कोचिङ इन्स्ट्रक्टरका रुपमा केही साता अघि मात्रै कुवेतका अब्दुल्लाहलाई नेपाल पठाएको थियो । उनको सम्झौता अहिलेलाई १ वर्षको हुनेछ ।
उनले यसअघि कतारको अल शाहनी फुटबल क्लब यू-२३ र किर्गिस्तान यू-१७ टिमको प्रशिक्षकको भूमिकामा काम गरिसकेका छन् । अब्दुल्लाहसँग साउदी अरेबिया र कुवेतको क्लबहरुसँग काम गरेको पनि अनुभव छ ।
कालिनले राजीनामा दिए पछि बालगोपाल महर्जन कार्यकारी प्रशिक्षकको रुपमा काम गर्दै आएका थिए । नेपालले अब भने प्रो लाइसेन्स प्रशिक्षक पाए सँगै जुनमा हुने विश्वकप २०२२ र एसिया कप २०२३ को छनोट चरणहरु खेल्ने छ ।
नेपाल रहेको समुहमा चाइनिज ताइपेइ, अष्ट्रेलिया, जोर्डन र कुवेत रहेका छन् । नेपालले पहिलो चरणका सबै र दोस्रो चरणको पहिलो खेलमा कुवेतको सामना गरिसकेको छ । दोस्रो चरणको पहिलो खेलमा नेपालले कुवेतबिरुद्धको घरेलु खेल दशरथ रङशाला तयार हुन नसकेपछि भुटानमा खेलेको थियो जहाँ नेपाल १–० ले हारेको थियो । नेपालले कुवेतमा भएको अवे खेलमा भने ७–० को लज्जास्पद पराजय व्यहोरेको थियो ।
नेपालले समुहमा निकालेको एक मात्र जितमा अवे खेलमा चाइनिज ताइपेइलाई २–० ले हराएको थियो । यस्तै अष्ट्रेलियाबिरुद्धको खेलमा नेपालले ५–० ले पराजित भएको थियो भने जोर्डनसँग पनि ३–० ले हारेको थियो ।

Source link

Share:

Leave a Reply

Your email address will not be published. Required fields are marked *