सिटीको जितमा जेसस र मेन्डीको गोल

एजेन्सी – डिफेन्डर बेन्जामिन मेन्डी र फरवार्ड गाब्रियल जेससको गोल मद्दतमा शीर्षीस्थानमा रहेको म्यानचेस्टर सिटीले इंग्लिस प्रिमियर लिगमा लेस्टर सिटीमाथि उसकै मैदानमा २–० को सहज जित हात पारेको छ ।

किङ पावर स्टेडियममा शनिबार राति भएको खेलमा दुवै गोल दोस्रो हाफमा सम्भव भएको थियो । प्रतिस्पर्धात्मक खेलको ५८औं मिनेटमा बेन्जामिन मेन्डीले गोल गर्दै सिटीलाई १–० को अग्रता दिलाए । रोड्रीको क्रसलाई युरी टिलेमान्सले क्लियर गर्न नसकेको बललाई मेन्डीले जाली चुमाएका थिए ।
७४औं मिनेटमा ब्राजिली फरवार्ड जेससले गोल गर्दै सिटीको अग्रता दोब्बर पारे । उनले सब्सिच्युट रहिम स्टर्लिङको पासलाई सदुपयोग गरेका थिए । उनी ६३औं मिनेटमा सर्जियो अगुइरोको स्थानमा मैदानमा प्रवेश गरेका थिए । घरेलु मैदानमा २–० ले पछि परेको लेस्टरले त्यसपछि सुधारिएको खेल पस्कदै सिटीमाथि दवाव बढाएपनि फिनिसिङमा चुक्दा सिटी विजयी हुन सफल भयो ।

यो जितसँगै शीर्षस्थानमा रहेको सिटीको ३१ खेलबाट ७४ अंक पुगेको छ । सिटीले दोस्रो स्थानमा रहेको म्यानचेस्टर युनाइटेडलाई १७ अंकले पछि पारेको छ । यद्दपि युनाइटेडले दुई खेल कम खेलेको छ । पराजित लेस्टर ५६ अंक जोडेर तेस्रो स्थानमा रहेको छ ।

Source link

Share:

Leave a Reply

Your email address will not be published. Required fields are marked *