तारकेश्वरका लागि निशानको २ गोल

नुवाकोट (हाम्रो खेलकुद) – बेलकोटगढी नगरपालिका, पञ्चकन्या गाउँपालिका, सूर्यगढी गाउँपालिका र ककनी गाउँपालिका भइरहेको शिवपुरी अध्यक्ष गोल्डकप फुटबल प्रतियोगिताको क्वार्टरफाइनलमा प्रवेश गरेको छन् ।

नुवाकोटको शिवपुरी गाउँपालिकामा जारी प्रतियोगितामा शनिबार बेलकोटगढीले म्यागङ गाउँपालिकालाई ३–० ले हराएपछि समूह बीको विजेता बन्दै अन्तिम आठमा पुगेको हो । विकेश लामाले पहिलो मिनेटमा नै गोल गरे । सन्दिप पुडासैनीले ४५ औं मिनेटमा र अमृत थिङ लामाले इन्ज्युरी समयमा गोल गरेपछि बेलकोटगढीले सहज जित हासिल गरेको थियो । विजेता टोलीका सन्दिप म्यान अफ द म्याच घोषित भए ।
अर्को खेलमा पञ्चकन्याले दुप्चेश्वर गाउँपालिकालाई २–१ ले परातिज ग¥यो । पञ्चकन्याका लागि सञ्जय शाहीले पाँचौं र १५ औं मिनेटमा गोल गरे । दुप्चेश्वरका राकेश दोङले ३८ औं मिनेटमा गोल फर्काए । पञ्चकन्याका सुवास तामाङ म्यान अफ द म्याच भए ।
तेस्रो खेलमा सूर्यगढीले तारकेश्वर गाउँपालिकालाई २–० ले हरायो । सूर्य गढीका लागि निशान श्रेष्ठले ६० र ६८ औं मिनेटमा गोल गरे । खेलको अन्तिम समयमा तारकेश्वरले पेनाल्टी पाएको थियो । तर तारकेश्वरका गोविन्द रिमालको प्रहार गरेको पेनाल्टी सूर्यगढीका गोलकिपर विक्रम गुरुङले रोके । गोलकिपर विक्रम खेलको म्यान अफ द म्याच चुनिए ।
तारकेश्वरको हारपछि ककनी गाउँपालिका समूह सि बाट उप विजेता बन्दै क्वाटरफाइनलमा पुगेको हो । शिवपुरी र ककनी तथा सूर्यगढी र पञ्चकन्याबीच क्वार्टरफाइनलमा प्रतिष्पर्धा हुनेछ ।

Source link

Share:

Leave a Reply

Your email address will not be published. Required fields are marked *