अभिषेकलाई सहाराको सम्मान

पोखरा (हाम्रो खेलकुद) – सहारा क्लबले अभिषेक रिजाललाई सर्वोत्कृष्ट राष्ट्रिय फुटबल खेलाडीबाट सम्मानित गरेको छ । सहाराले आहा रारा गोल्ड कप फुटबल प्रतियोगिताको उद्घाटनका दौरान शनिबार अभिषेकलाई ३५ हजार रुपैयाँसहित सम्मान गरेको हो ।

क्लबले हरेक वर्ष राष्ट्रिय टोलीका एक खेलाडीलाई आहा रारा गोल्ड कपको उद्घाटनका अवसरमा सम्मान गर्दै आएको छ । राष्ट्रिय खेलकुद परिषद् (राखेप) का सदस्य सचिव रमेशकुमार सिलवालले अभिषेकलाई सम्मान पत्र हस्तान्तरण गरेका थिए । क्लबका मानार्थ सदस्य खेमबहादुर गुरुङले उक्त सम्मानको रकम प्रायोजन गर्दै आएका छन् ।
यसै साता नेपालले थ्री नेसन्स कप जित्दा अभिषेक टोलीका सदस्य थिए । केहि दिन अघि मात्र उनी आई लिग खेलेर स्वदेश फर्केका थिए । उनी १३ औं दक्षिण एसियाली खेलकुद (साग) मा स्वर्ण जित्ने नेपाली टोलीका सदस्य थिए ।

अखिल नेपाल फुटबल संघ (एन्फा), नेपाल खेलकुद पत्रकार मञ्च र एन्फाको रेफ्री समितिबाट सिफारिस भएका आएका समान ३ खेलाडीको नामबाट सम्मानित हुने खेलाडीको छनोट गरिने सहाराले जनाएको छ । यसअघि राष्ट्रिय टोलीका कप्तान किरण चेम्जोङ, भरत खवास र सुजल श्रेष्ठले यो पुरस्कारबाट सम्मानित भएका थिए ।
आहा रारामा सहिद स्मारक ए डिभिजन लिगको विजेता मछिन्द्र क्लबसहित ६ टोली, आयोजक र एक विदेशी टोली अफ्रिकन रुट्स एसोएिसन (एआरए) गरि ८ टोलीले प्रतियोगिता भाग लिइरहेका छन् ।

Source link

Share:

Leave a Reply

Your email address will not be published. Required fields are marked *