मोर्गनले बाँकी खेल गुमाउने

एजेन्सी – इंग्ल्यान्डका कप्तान ओईन मोर्गनले भारतविरुद्ध तीन ओडिआई सिरिज अन्तर्गत बाँकी दुई खेल गुमाउने भएका छन् । इंग्ल्यान्ड क्रिकेट बोर्डले मोर्गनले बाँकी खेल गुमाउने पुष्टि गरेको छ ।

मोर्गनको पहिलो खेलमा फिल्डिङको क्रममा दायाँ हातको बुढी र माईली औंलामा चोट लागेको थियो । मोर्गनले गुमाउने भएपछि इंग्ल्यान्डको कप्तानी विकेटकिपर जस बटलरले गर्ने छन् । साम विलिंग्सले दोस्रो खेल गुमाउने निश्चित भएको छ । विलिंग्स अन्तिम खेलमा उपलब्ध हुन सक्ने इंल्यान्डले आशा राखेको छ । विलिंग्सको पहिलो खेलमा फिल्डिङ गर्नेक्रममा काँधमा चोट लागेको थियो ।
मोर्गन बाहिरिदा इंग्ल्यान्डको टोलीमा लिभिङस्टोनले डेब्यू पाउने पक्का भएको छ । त्यस्तै भारतीय टोलीका मध्यक्रमका ब्याट्सम्यान श्रेयस ऐरपनि काँधमा चोटका कारण टोलीबाट बाहिरि सकेका छन् । तीन ओडिआई सिरिजमा भारतले १–० को अग्रता लिएको छ । दोस्रो खेल शुक्रबार हुने छ । तेस्रो खेल आइतबार हुने छ । उत्कृष्ट सुरुवातको बाबजुद इंग्ल्यान्ड पहिलो खेलमा भारतसँग ६६ रनले पराजित भएको थियो । इंग्ल्यान्ड दोस्रो खेलमा जितका साथ सिरिज बराबर गर्ने सोचमा हुने छ । भारत एक खेल अगावै सिरिज जित्ने रणनीतिका साथ मैदान उत्रने छ ।

Source link

Share:

Leave a Reply

Your email address will not be published. Required fields are marked *