कन्वे र मिचेलको शतकमा बंगलादेशलाई विशाल लक्ष्य

एजेन्सी – शीर्षक्रमका देभन कन्वे र तल्लोक्रमका ब्याट्सम्यान डर्याल मिचेलको शतकमा न्युजिल्यान्डले तेस्रो ओडिआई खेलमा बंगलादेशलाई ३ सय १९ रनको विशाल लक्ष्य दिएको छ ।

वेलिंग्टनमा जितेर पहिला ब्याटिङ थालेको न्युजिल्यान्डले निर्धारित ५० ओभरमा ६ विकेट गुमाउँदै ३ सय १८ रन बनायो ।कन्वेले १ सय १० बलमा १७ चौका सहित १ सय २६ रनको उत्कृष्ट शतकीय इनिङ खेले । डर्याल मिचेल ९२ बलमा ९ चौका र २ छक्का सहित १ सय रनमा अविजित रहे । यी दुबै ब्याट्सम्यानको ओडिआई करिअरमा पहिलो शतक प्रहार गरेका हुन् ।
कन्वेले ४३ औं ओभरको पाँचौं बलमा तस्किन अहमदलाई चौका प्रहार गर्दै ९५ बलमा करिअरको पहिलो ओडिआई शतक प्रहार गरेका थिए । मिचेलले इनिङको अन्तिम बलमा दुई रन बटुल्दै शतक पूरा गरेका थिए । पाँचौं विकेटका लागि कन्वे र मिचेलले १ सय ४७ बलमा १ सय ५९ रनको साझेदारी गर्दै विशाल योगफलमा पुर्याएका थिए । ओपनर माटिन गुप्टिल २६, हेनरी निकोल्स र कप्तान टम लाथम १८–१८ रनमा आउट भए ।
बंगलादेशका रुबेल होसेनले सर्वाधिक ३ विकेट लिए । सौम्य सरकार, तस्किन अहमद र मुस्ताफिजुर रहमानले १–१ विकेट लिए ।

Source link

Share:

Leave a Reply

Your email address will not be published. Required fields are marked *