पहिलो हाफः नेपाल किर्गिस्तान बराबर

काठमाडौं (हाम्रो खेलकुद) – नेपाल र किर्गिस्तानको यु–२३ टोलीले थ्री नेसन्स कपको पहिलो हाफमा गोलरहित बराबरी खेलेका छन् । त्रिपुरेश्वरस्थित दशरथ रंगशालामा बिहीबार भएको खेलमा घरेलु टोली नेपालले किर्गिस्तानलाई दवावमा राखेपनि गोल गर्न नसक्दा पहिलो हाफ बराबरीमा सकिएको हो ।

चौथो मिनेटमा तेज तामाङको फ्रिकिकमा अन्जन विष्टको फ्रि हेडर पोस्टनजिकैबाट बाहिरिदा नेपाल अग्रता लिनबाट चुक्यो । नवौं मिनेटमा त्रिदेव गुरुङको कर्नरमा फ्लिक भएको हेडरलाई दिनेश राजवंशीले मौका पाएपनि प्रहार गर्न सकेन ।
१०औं मिनेटमा त्रिदेव गुरुङको कर्नरमा अनन्त तामाङको हेडर बाहिरिदा नेपालले अग्रता लिन सकेन । १४औं मिनेटमा अन्जन विष्टको क्रस पोस्टमा लागेर फर्कदा डिफेन्डरले क्लियर गर्दै बचाउदा नेपाल पुनः अग्रता लिनबाट चुक्यो । २९औं मिनेटमा अभिषेक रिजालले पेनाल्टी बक्सनजिकै अवसर पाएपनि सदुपयोग गर्न सकेनन् । ३३औं मिनेटमा रवि पासवानको क्रसमा अन्जन विष्टले पेनाल्टी बक्सबाहिरबाट गरेको प्रहार पोस्ट नजिकैबाट बाहिरियो ।
दोस्रो हाफ केहीबेरमा सुरु हुनेछ । थ्री नेसन्स कपमा नेपालको यो पहिलो खेल हो । नेपालले कीर्गिस्तानको यु–२३ टिमलाई हराएमा फाइनलमा स्थान बनाउने छ । तर कीर्गिस्तानको यु–२३ टिमसँग बराबरी खेलेमा बंगलादेश र नेपालबीचको खेलले नै फाइनल पुग्ने टोलीको टुंगो लाग्नेछ । किर्गिस्तान पहिला खेलमा बंगलादेशसँग १–० ले पराजित भएको थियो ।
नेपालले शनिबार बंगलादेशविरुद्ध खेल्नेछ । राउन्ड रोबिन लिगपछि शीर्ष २ टोलीले चैत १६ गते फाइनल खेल्नेछन् । एन्फाले प्रतियोगिताका लागि भिआइपीतर्फ १ हजार ५ सय र साधारण प्यारापिटतर्फ ७ सय टिकट दर तोकेको छ । विजेता टोलीले ५ हजार र दोस्रो टोलीले ३ हजार अमेरिकी डलर प्राप्त गर्नेछ ।

Source link

Share:

Leave a Reply

Your email address will not be published. Required fields are marked *