एलेभन एरोज मिल्स गोल्ड कपको सेमिफाइनलमा

विराटनगर (हाम्रो खेलकुद) – एलेभन एरोज क्लब दुहबी सुनसरी प्रथम मिल्स गोल्ड कप फुटबल प्रतियोगिताको सेमिफाइनलमा पुगेको छ । रानी विराटनगरमा जारी प्रतियोगितामा सोमबार भएको तेस्रो क्वार्टरफाइनलमा प्रदेश १ प्रहरी कार्यालय मोरङलाई १– हराउँदै एलेभन अन्तिम चारमा पुगेको हो ।

उमेश कार्कीको गोलमा एलेभनले अघिल्लो चरणको यात्रा तय गरेको थियो । उमेशले २२ औं मिनेटमा गोल गरेका थिए । उमेश नै खेलको म्यान अफ दी म्याच घोषित भए र उनले ५ हजार रुपैयाँ प्राप्त गरे । प्याब्सन मोरङका उपाध्यक्ष शितला सुब्बाले उनलाई पुरस्कार हस्तान्तरण गरे ।

प्रतियोगितामा मंगलबार अन्तिम तथा चौथो क्वार्टरफाइनलमा धरान सिटी फुटबल एकेडेमी सुनसरी र सताक्षी धाम स्पोर्ट्स क्लब झापाबीच प्रतिस्पर्धा हुनेछ । मिल्स गोल्ड कप फुटल ट्रष्टले आयोजना गरेको प्रतियोगितालाई विराटनगर महानगरपालिकाको संयोजन र प्रदेश १ सरकारले प्रवद्र्धन गरेको छ । त्यस्तै मोरङ जिल्ला फुटबल संघले प्रतियोगितामा प्राविधिक सहयोग गरेको छ ।

Source link

Share:

Leave a Reply

Your email address will not be published. Required fields are marked *