धम्बोझीमाथि सैनिक युथको जित

नेपालगन्ज (हाम्रो खेलकुद) – सैनिक युथ क्लब झापाले एन्फा प्रेसिडेन्ट लिगमा घरेलु टोली धम्बोझी क्लब बाँकेमाथि ३–२ को पूनरागमन जित निकालेको छ ।

नेपालगन्जस्थित रंगशालामा सोमबार भएको खेलमा सैनिकले एक गोलले पछि परेको अवस्थामा खेल आफ्नो पक्षमा पार्न सफल भएको हो । सैनिकको जितमा सुनिल खड्का, सुशिल लामा र जीवन गुरुङले गोल गरे । धम्वोजीका पुर्ण गुरुङ र विसन गुरुङले गोल फर्काए ।
खेलको पाँचौ मिनेटमा पुर्ण गुरुङको गोलबाट धम्वोजीले अग्रता लिएको थियो । २०औं मिनेटमा सुनिल खड्काले गोल गर्दै खेललाई १–१ गोलको बराबरीमा ल्याए । ३३औं मिनेटमा सुशिल लामाले गोल गर्दै सैनिकलाई २–१ ले अघि बढाए ।
४८औं मिनेटमा जीवन गुरुङले गोल गर्दै सैनिकलाई ३–१ ले अघि बढाए । ८०औं मिनेटमा बिसन गुरुङले गोल गर्दै खेललाई ३–२ को अवस्थामा ल्याएपनि त्यसपछि थप गोल निस्कन नसक्दा सैनिक विजयी हुन सफल भयो । सैनिकका जीवन गुरुङ म्यान अफ द म्याच घोषित भए ।
अर्को खेलमा स्टार सिटी युथ क्लब कैलाली र धादिङ समाज धादिङले १–१ को बराबरी खेल्दै अंक बाँडेका छन् । खेलको अन्तिम समयमा दिपकराज सिंह ठकुरी गोल गर्दै स्टार सिटीलाई हारबाट जोगाएका थिए ।
उनले इन्ज्युरी समयको थप गरिएको दोस्रो मिनेटमा गोल गरेका थिए । त्यसअघि धादिङका उमेश राईले ५३औं मिनेटमा गोल गरेका थिए । धादिङका अनिल तामाङ म्यान अफ द म्याच घोषित भए ।

Source link

Share:

Leave a Reply

Your email address will not be published. Required fields are marked *