रियल म्याड्रिडको नयाँ किट डिजाइन चुहावट

एजेन्सी – युरोपमा सन् २०२०/२१ सिजन जारी छ । तर, रियल म्याड्रिडको अर्को सिजन २०२१-२२ को किट औचारिक रुपमा सार्वजनिक गर्नुअघि नै डिजाइन चुहावट भएको छ ।

किटको औपचारिक सार्वजनिक छिट्टोमा मेमा हुने सम्भावना थियो । तर, एक अनलाइन पोर्टलले रियलको अर्को सिजनको टोलीको नयाँ जर्सी सार्वजनिक गरिदिएको छ । घरेलु मैदानमा प्रयोग गर्ने जर्सीलाई फुटिहेडलाइन्स डट कमले सार्वजनिक गरेको हो ।
रियलको सेतो जर्सीमा निलो र सुन्तला रंगको ट्रिमिङ रहेको छ । त्योसँगै रियलको नयाँ सिजनका लागि अभ्यास किट पनि सार्वजनिक भएको छ । त्यसमा पनि निलो र सुन्तला रंगको ट्रिमिङ रहेको छ ।

मंगलबार मात्रै एट्लान्टालाई ३–१ ले हराउँदै समग्रमा ४–१ को अग्रता सहित रियल च्याम्पियन्स लिगको क्वार्टरफाइनलमा पुगिसकेको छ । घरेलु मैदान अल्फ्रेडो डि स्टेफानोमा मंगलबार राति भएको खेलमा रियलको जितमा करिम बेन्जेमा, कप्तान सर्जियो रामोस र मार्काे एसेन्सियोले गोल गरे । एटलान्टाका लुइस मुरिएलले एक गोल फर्काएका थिए । लिगमा पनि रियल उपाधि होडमा कायम नै छ ।

Source link

Share:

Leave a Reply

Your email address will not be published. Required fields are marked *