सन्दीप र हरि चम्कँदा मेयर–११ लाई पुलिसको मध्यम लक्ष्य

काठमाडौं (हाम्रो खेलकुद) – स्पिनर तथा कप्तान सन्दीप लामिछाने, विपिन खत्री र हरि शंकर शाह चम्कँदा नेपाल पुलिस क्लबले काठमाडौं मेयर कप–२०७७ एकदिवसिय क्रिकेट लिगमा काठमाडौं मेयर–११ लाई १ सय ९८ रनको मध्यम लक्ष्य दिएको छ ।

टियु क्रिकेट मैदानमा टस हारेर पहिला ब्याटिङ थालेको पुलिस ४७.४ ओभरमा १ सय ९७ रनमा अल आउट भयो । पुलिसका योगेन्द्र सिंह कार्कीले ५५ बलमा ४ चौका सहित सर्वाधिक ४० रनको योागदान दिए ।
पुलिसका ओपनर सुनिल धमला र कुशल भुर्तेलले ८.१ ओभरमा ५६ रनको साझेदारी राम्रो सुरुवात दिएपनि त्यसपछिका ब्याट्सम्यान चल्न नसक्दा ठूलो इनिङ बनाउन सकेन । नवौं ओभरको पहिलो बलमा धमलालाई स्पिनर हरि शंकर शाहले विकेटकिपर खडक बहादुर बोहराले २२ रनमा स्टम्पिङ आउट गर्दै पहिलो सफलता दिलाए । धमलाले २४ बलमा ३ चौका र १ छक्का प्रहार गरे । हरिले आफ्नो दोस्रो ओभर अर्थात ११ औं ओभरको पहिलो बलमा कुशललाई ३४ रनमा खडकबाटै स्टम्पिङ आउट गराए । कुशलले २९ बलमा ३ चौका र ३ छक्का प्रहार गरे ।

१६ औं ओभरको दोस्रो बलमा कप्तान सन्दीप लामिछानेले अनिल शाहलाई ६ रनमा खडकबाट क्याच गराए । २३ औं ओभरको चौथो बलमा स्पिनर विपिन खत्रीले दीपेन्द्रसिंह ऐरीलाई २४ रनमा सन्दीपबाट क्याच गराएपछि पुलिस दबाबमा परेको थियो । तल्लोक्रमका सन्दीपले बोल्ड आउट गर्नुअघि पवन सरार्फले ५१ बलमा ३ चौका सहित २८ रन बनाए ।
दीलिप नाथ १२, मन्जित श्रेष्ठ ३, गुल्सन झा ५ र सागर ढकाल ६ रनमा आउट भए । मेयर–११ का स्पिनर विपिन खत्रीले ९ ओभरमा १ मेडन ५४ रन खर्चेर ३ विकेट लिए । कप्तान सन्दीप लामिछानेले १० ओभरमा ३५ रन खर्चेर ३ विकेट लिए । हरिशंकरले शाहले ९.४ ओभरमा २ मेडन सहित २८ रन खर्चेर ३ विकेट लिए । अनिल खरेलले १ एक विकेट लिए ।

Source link

Share:

Leave a Reply

Your email address will not be published. Required fields are marked *