राष्ट्रिय एकताबाट विकास र समृद्धि ः प्रदेश प्रमुख शेरचन

प्रकाशित मिति : २८ पुष २०७७, मंगलवार २१:२३

गण्डकी प्रदेश प्रमुख अमिक शेरचनले देश विकासका लागि सबै राजनीतिक दलका बीचमा सहमति र सहकार्य हुनुपर्ने बताउनुभएको छ । सिर्जना विकास केन्द्र पोखराको ४३ औँ साधारणसभा एवं २१ औँ अधिवेशनको आज उद्घाटन गर्दै उहाँले राष्ट्रिय एकताबाट मात्र चाहेको विकास र समृृद्धि हासिल हुने भनाइ राख्नुभयो ।
‘सुखी नेपाली समृद्ध नेपाल’ बनाउन सबैले आफ्नो तर्फबाट योगदान दिनुपर्नेमा जोड दिँदै प्रमुख शेरचनले देशमा विकसित पछिल्लो राजनीतिक घटनाक्रमबाट आफू दुःखित रहेको भनाइ राख्नुभयो । उहाँले देश विकासको बाधकको रुपमा रहेको भ्रष्टाचार र कमिशनतन्त्र सबैको साझा शत्रु रहेको धारणा राख्नुभयो ।
केन्द्रको २१ औँ अधिवेशनले इन्द्रप्रसाद पौडेललाई अध्यक्षमा निर्विरोध निर्वाचित गरेको छ । प्रथम उपाध्यक्षमा कृष्ण थापा, द्धितीय उपाध्यक्ष कमलादेवी गिरी, महासचिव चन्द्र गिरी, सचिव विश्व श्रेष्ठ र कोषाध्यक्ष कृष्णमान ठूसाजु हुनुहुन्छ ।
यसैगरी सदस्यमा सुशील विजुक्छे, दानबहादुर गुरुङ र अशोक श्रेष्ठ सर्वसम्मत चयन हुनुभएको निर्वाचन समितिका संयोजक वीरबहादुर अधिकारीले जानकारी दिनुभयो । संस्थाले द्वन्द्वपीडित बालबालिकाका लागि पोखरा–१७ मा बालगृह सञ्चालन गरेको र शिक्षा, स्वास्थ्यलगायतका सामाजिक क्षेत्रमा पनि काम गर्दै आएको निर्वतमान अध्यक्ष मीनप्रसाद भट्टराईले जानकारी दिनुभयो ।

Source link

Share:

Leave a Reply

Your email address will not be published. Required fields are marked *