बाक्लो हुस्सुका कारण भैरहवा, सिमरा र विराटनगरमा हुन सकेन हवाई उडान

२७ पुस, काठमाडौं । बाक्लो हुस्सुका कारण आज सोमबार तराईका तीन वटा विमानस्थलमा उडान हुन सकेन । त्रिभुवन अन्तर्राष्ट्रिय विमानस्थल कार्यालयका अनुसार सोमबार भैरहवा, सिमरा र विराटनगरमा एउटा पनि उडान सम्भव भएन् ।
यी विमानस्थलमा उडान हुन नसक्दा आन्तरिक टर्मिनलमा अधिक भिडभाड भएको थियो । बुद्ध एयरको मात्र यी तीन वटा विमानस्थलका लागि आज निर्धारित २८ वटा उडान रद्द भएको छ ।
श्री र यति एयरका उडान समेत रद्द भएका छन् । विमानस्थल कार्यालयका अनुसार आज तराईका धेरैजसो उडान हुस्सुका कारण प्रभावित बने ।तर, अन्य विमानस्थलमा उडान रोकिएन् ।
अन्तर्राष्ट्रिय उडानहरु भने आज नियमित छन् । नेपालमा आन्तरिक उडान संख्यात्मक रुपमा कोरोनाकाल भन्दा अगासडि कै अवस्थामा पुगिसकेको छ ।
 
 
 

Source link

Share:

Leave a Reply

Your email address will not be published. Required fields are marked *